A décimo segunda Sesión Plenario deixou un novo cruce entre a Terra Chá e A Mariña. O xogador do Catro Roldas, Esteban Carracedo xogou con Javi Chinchón, un clásico do balompé provincial.
O focego, que este ano comezou adestrando ao Pastoricense, representou ao club da súa vila. Debido á menor categoría do Catro Roldas, foi Esteban quen tivo a primeira quenda para responder.
A emoción mantívose ata o final da Sesión. Ambos chegaron con opcións a última rolda de preguntas.
De novo, o humor e os coñecementos foron protagonistas, aínda que unhas veces os chistes sexan máis forzados ca outras. Falamos da relación de Fran Pastor co Cabreiros e das carreiras de Gerardo Carrera e Carlos Carrera.
Anticipámonos á celebración da Candeloria e comprobamos que Labrada labra máis. Fixemos un ‘remember’ dos 80 con Gonzalo Edrosa e preguntamos polos Homes/Mulleres de club.
Soubemos onde xoga o CD Lugo fem e recoñecemos o traballo de dúas irmás: Nuria e Maite Louzao, dando a cara xunto as súas compañeiras da SD Antas.
Botamos man das cifras e dos anos para lembrar onde estaba o Portomarín hai seis campañas e recordamos ao Garabalos de categoría sénior.
As Inscricións Seguen Abertas En Sesión Plenario
As inscricións en Sesión Plenario aínda están abertas, faltan dous concursantes por apuntarse para completar o cadro desta primeira edición. Quen estea interesado debe mandar un correo a futbolinlugo@gmail.com co asunto SESIÓN PLENARIO.
Por Sesión Plenario pasaron xa xogadores, integrantes de corpo técnico, directivos e afeccionados. Polo momento xa hai doce clasificados para a seguinte rolda do espazo que entretén e difunde o fútbol da provincia.
SEGUIRÁ A Mariña ReinaNDO En Sesión Plenario?
A espera do resultado Carracedo – Chinchón, a Mariña é polo momento a zona xeográfica que máis participantes ten nos oitavos de final. O dianteiro Kiños do Folgueiro, o delegado Manu e a afeccionada Noelia do Burela, xunto co atacante Antón Teijeira do Iberia son catro dos que xa pasaron de fase.
Isaac Rouco, Tucho e Luis Romay representan á Terra Chá. Andrés Rodríguez (míster da Comercial) deixou quedar ben á capital.
Pola súa banda, David Rodríguez e o Chapu colocaron a Portomarín nos oitavos de final. Ademais de representar por todo o alto ao mundo da arbitraxe e das directivas, respectivamente.
Ás directivas tamén as deixa en bo lugar Koeman. O ex futbolista da Ulloa e presidente do Antas está clasificado para a seguinte eliminatoria.
Concursantes na repesca (xogaranse dúas prazas para os oitavos de final):
1. Lourido, xogador do Meira
2. Víctor Valiño, futbolista do Relámpago Taboada
3. Sotogol, xogador do Celta Barreiros
4. Samu López, futbolista do Racing Villalbés B
Esta sección conta co apoio imprescindible de Plenario Veiga. O xerente de Discoteca Hermo e Bar Tibor (patrocionadores principais deste espazo) tamén colabora no concurso para avaliar as respostas dos participantes.
O redactor Iván Calaza foi o encargado de presentar esta décimo segunda Sesión Plenario que contou tamén coa presenza do propio Plenario Veiga.
O CATRO ROLDAS, O BURELA-FOZ E ACTUALIDADE DE JAVI CHINCHÓN, Protagonistas En Sesión Plenario
Nesta décimo segunda Sesión Plenario coincidiron dous participantes non relacionados entre si. Por unha banda, Esteban Carracedo cumpre a súa décima campaña vestindo a camisola do Catro Roldas.
O equipo de Román volve buscar de novo subir de categoría. Pelexa por quedar nos postos de ascenso directo á Segunda.
«Empezamos ben, aínda que agora estamos nun pequeno bache. A ver se somos capaces de reconducir a situación rápido«, afirma o futbolista do conxunto amarelo.
Pola súa parte, Javi Chinchón saíu esta tempada da súa zona de confort como adestrador. Colleu no verán o proxecto do Pastoricense ao que lle puxo fin en novembro.
Non obstante, o técnico segue ilusionado e vendo fútbol: «Se non é dunha maneira a ser doutra. O fútbol é o motor que nos fai andar. Agora estou gozando dende a bancada, sobre todo no Martínez Otero«, recalca Javi.
Noraboa a @BurelaSd pola victoria no derbi.
Un pracer visitar a Marosa e poder saudar a un monton de amigos.#aupafozaupa @ClubFoz @futbolinlugo pic.twitter.com/jKZ45x6yNj— Javi Chinchòn (@Chinchon5) January 22, 2023
Chinchón foi un dos que viviu un histórico derbi a semana pasada entre o Burela e o Foz. «Foi un pouco peculiar ao estar cortada a ‘Carretera da Costa’. Ao final estivo simpático porque ao ir camiñando vaste atopando coa xente. É unha forma distinta de vivir un derbi e de ir a Burela«, comenta.
O técnico focego Laiábase do resultado para o cadro da súa vila pero salientou o «bo ambiente» e a «deportividade» do derbi.
