O Mondoñedo logra a 1ª vitoria e o Corgo vence con novo míster

Os onces da 10ª xornada na Segunda Rexional veñen protagonizados pola entrada do Xermade en zona de ascenso no norte. O Mondoñedo sae do descenso ao conseguir o primeiro triunfo do curso. No sur, o Corgo logrou o segundo triunfo da campaña. Levaba sete derrotas seguidas. Os tres puntos chegaron na xornada na que o novo adestrador se estreaba.

O Sanci venceu ao Sporting Pontenova nun dos partidos da xornada. Os visitantes mereceron máis na primeira metade, pero na segunda os locais puxeron en marcha a súa máquina goleadora. Diego Baltar abriu a veda cun dobrete. Deonildo e Poceiro pecharon o marcador con cadanseu gol. O Sanci segue invicto e Madariaga continúa como o porteiro menos batido. Na segunda posición entra o Xermade. Clara vitoria ante o Muimenta. O equipo xermadino foi superior no Pichón. Borja continúa no seu bo momento. Dobrete e pase de gol. Leva 8 tantos en total que xa o colocan na cabeceira de goleadores do grupo norte empatado con Matelo do Sporting Pontenova. Na terceira posición colócase o Meira. Derrotou a domicilio pola mínima ao Abadín. Cuarta vitoria seguida. Aínda que custou. O Abadín dominou a primeira metade. Con varias ocasións claras de gol. Pero o Meira adiantouse nun rexeite. Os visitantes melloraron co resultado a favor e incluso lles anularon un gol por fóra de xogo. Os locais volveron desaproveitar as súas opcións. Non foi o mellor partido do Alfoz. Saíu dos postos de ascenso directo. Pero sacou un punto da súa visita a Cea de Cabreiros. Os dous equipos mantéñense no tren de cabeza. Nesa zona tamén está o Guitiriz. Venceu no Suso Cruz ao Iberia.

O Celta Barreiros perdeu a opción de gañar nos últimos intres ante o Roupar. Dominaron na primeira metade, pero a falta de atención na segunda custoulle caro. O Roupar conseguiu igualar no 2º tempo. O encontro xogouse no Anexo da Marosa en Burela. A Candelaria quere escapar da zona baixa. Volveu vencer logo de cinco partidos sen facelo. Derrotou ao Goiriz nun duelo directo. Resultado axustado, pero que lle permite o cadro da Rúa marcar cinco puntos diferenza co descenso. Desa posición saíu a pasada fin de semana o Mondoñedo. Partido completo do conxunto mindoniense para conseguir a primeira vitoria da tempada. Ademais cortou a boa xeira do Cospeito. O cadro adestrado por Luis levaba tres triunfos seguidos.

O líder (Ferreira) volveu gañar. Aínda que partido foi máis igualado do que reflicte o resultado. O Incio adiantouse no marcador. Edu rematou a saída dun saque dende o recanto. Tivo bos minutos o cadro amarelo. Pero pouco a pouco foi concedendo máis facilitades. Iso aproveitouno o Ferreira. Que marcou 4 goles. A entrada de auga nos vestiarios da Ponte obrigou ao San Lázaro a marchar as Gándaras. A pesar diso os bos resultados continúan. Aínda que a vitoria ante o Río Sil chegou nos intres finais. Despois dun longo tempo de engadido. Os pupilos preparados por Diego Rey manteñen o pulso na clasificación co Ferreira. Os dous equipos levan tres triunfos seguidos.

Terceiro mantense o Paradela que derrotou ao Brollón. Romi, con dous goles, levou desta volta o peso goleador dun Paradela que mira cara arriba. O rei do empate no sur é o Palas. Conta catro dos últimos cinco partidos por un punto. O último foi no Chao da Poza ante o Portomarín. O equipo que os precede na táboa clasificatoria. O Oural continúa coa súa boa xeira de resultados. Cinco partidos sen perder. Desta volta venceu con claridade ao Bóveda. Na zona media da clasificación hai 4 equipos empatados a 14 puntos. O Páramo, o Río Sil, o Santa Comba e o Becerreá. Deles o único que gañou foi o cadro da parroquia lucense. Derrotou en Tras do Novo ao filial do Chantada. O Páramo non puido co Quiroga nun enlamado San Martiño. Iso si, os locais xogaron arredor de 60 minutos cun xogador menos. Unha das chaves do encontro foi a actuación do gardamallas Adri García. O Corgo continúa en postos de descenso, pero con aires renovados. Marchou Vivian Dors e Walter fíxose cargo do equipo. Primeiro partido e primeira vitoria. Derrotou pola mínima ao Becerreá nun encontro con cinco goles. Tres puntos que gañan máis importancia porque os visitantes chegaron a gañar por 0-2 con dobrete de Jon Cantiz. Golazo incluido no segundo gol. Pero apareceu Javi. Hat-trick e remontada na casa.

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.