Tres duelos directos no sur acaban con cambios de posicións na clasificación

O Tres en Raia da 8ª xornada da Terceira Rexional. O duelo directo no grupo sur trouxo un troco de líder. O Sporting Lucense encabeza agora a clasificación. No norte, o Catro Roldas está no mellor momento da tempada.

O Fonsagrada continúa imparable en canto a resultados. Mantense líder e invicto unha xornada máis no grupo norte. Derrotou ao Matela na súa casa. Non obstante, a SD Viveiro segue ao tanto. Superou a domicilio ao Lugo Unión. Segunda vitoria seguida. A distancia co terceiro clasificado é de cinco puntos. Nesa posición sitúase o Catro Roldas. O equipo máis en forma do grupo se temos en conta as últimas tres xornadas. Tres triunfos consecutivos. O último na Canteira e sufrindo ante a Comercial. O cadro amarelo dominou nos primeiros minutos, pero os visitantes aproveitaron ben as súas ocasións. Primeiro nunha xogada ben combinada; despois cun golazo de Javi Saavedra (xa dera o pase do gol) dende lonxe. Os locais repuxéronse. Chuchi marcou despois dun rexeite colocando o balón practicamente na escadra rival. Samuel Orosa igualaba ao pouco. Non obstante, un penalti a favor volveu poñer por diante á Comercial. Aí foi cando se volveu lucir Orosa. O xogador vilalbés aproveitou os espazos e estivo certeiro por dúas veces ante o porteiro rival. Cando os locais marcaron o cuarto estaban cun menos pola expulsión de García.

A zona de promoción complétana o Friol B (que descansou esta xornada), o Cazás e o Matela. O conxunto xermadino suma cinco partidos sen perder. A pesar de que neste último tivo que botar man do campo da Fonte en Cospeito para non sobrecargar un enchoupado Catro Ventos. O Cazás derrotou a SD Nuevo Nausti. Ademais da clara vitoria; as boas novas chegaron coa estrea esta tempada de Cao e Marcos Gómez. Regresaron despois das súas lesións. Pola súa banda, o Celeiro empatou ante o Rioaveso nun encontro moi pelexado. O gardamallas Josiño foi un dos destacados con tres grandes paradas. O campo de Trasvias en Galdo termou a pesar do tempo de inverno.

No grupo sur os seis primeiros enfrentáronse entre si. Cada ovella coa súa parella. O primeiro xogou co segundo; o terceiro co cuarto e o quinto co sexto. Nos tres casos, mudaron as posicións. O Sporting Lucense é o novo líder. O cadro preparado por Lolo non desaproveitou a oportunidade que tiña para colocarse no primeiro posto. Superou a Milagrosa, rival directo, á quen desprazou á segunda posición. Na terceira praza sitúase un Sober que mira cara arriba. Suma catro partidos sen perder. Os últimos tres puntos foron ante o rival que os antecedía na clasificación. O Antas non puido sacar nada positivo de Centeás. No duelo de filiais, o Lemos B superou ao Taboada B. Partido no que houbo sete goles en total. Non foi o mellor encontro do cadro taboadense.

O Monterroso B queda ás portas da promoción de ascenso. Igualou sen goles ante o Rubián. Os pupilos adestrados por Senén continúan sen gañar no que vai de campaña. En canto a resultados o único positivo polo momento foron tres empates en sete xornadas. Quen logrou o segundo triunfo da tempada foi o Castroverde. Venceu pola mínima na Veiga do Olmo ao Relámpago Taboada. E iso que os visitantes foron por diante un bo tramo do partido. Os locais remontaron en apenas dous minutos.

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.