Que bo xeito de chegar á segunda centena desta sección!! Coa reactivación da Preferente, que terá lugar o 21 ou o 28 de marzo, os clubes lucenses comezaron a mover fíos para reforzar os seus cadros de xogadores. E vaia se o fixeron. Os conxuntos da provincia buscaron novos futbolistas noutros equipos das súas comarcas, aproveitando que non haberá competición nas demais categorías. Velaquí as principais novidades!
CD Foz: foi o máis activo neste mercado. Asinou ao gardamallas Kiko Mariño (SD Burela), ao mediocentro Dani Chinchón (Celta Barreiros) e ao dianteiro David Ben (SD Burela). Tamén desde A Marosa chegaron o extremo Diego Chao e o talentoso Álex Esquerdeiro.
Ribadeo FC: tamén desde Burela chegaron o porteiro Simón e o dianteiro Jairo Campo.
CD Santaballés: incorporou ao central Julio Camba e ao artilleiro Jorge Pereira.
Club Lemos: O polivalente Julio chegou desde o veciño Escairón para reforzar aos da Pinguela.
Sarriana: O goleador Gerardo Carrera, cortado polo Viveiro, é a guinda dun proxecto que aspira a todo.
Residencia: O mediapunta Dani Renda chega dende Outeiro para sumar maior competencia a un centro do campo de garantías.
Alén de todos estos movementos, engadimos un que xa foi anunciado fai máis dun mes no nos Twitter: a fichaxe de Nico Madero polo Viveiro.
