A Preferente ‘exprés’, unha trituradora de adestradores

Ningún dos adestradores que comezou a campaña pasada, repetirá banco este curso

Semellaba a temporada máis curta do noso fútbol pero, para moitos, fíxose a máis longa. Ningún dos adestradores que comezaron o curso nos nosos equipos repetirán no mesmo banco a vindeira campaña.

Un dos cambios xa se realizou durante a propia temporada. A Sarriana prescindía de Charly a falta de dúas xornadas para a conclusión do grupo de ascenso. E inclinouse por Jaime Paz, que a pesares de conquerir dous triunfos quedou sen ascenso. Aínda así, o coruñés non repetirá no banco da Ribela. O novo inquilino é Edu Rodríguez, que pechou un exitoso ciclo no Lemos. 

O cadro de Monforte apostou no relevo por alguén con experiencia. Alberto López chega a Pinguela avalado pola súa última experiencia competitiva, deixou o Arzúa como equipo revelación na Terceira antes da chegada da covid.

Dani Moirón é o único adestrador que se mantén na categoría e adestrando na provincia. Logo de vivila experiencia co Santaballés, chega ao Ribadeo. No Pepe Barrera produciuse a inesperada saída de Rafa Casanova. Agora quedará no banco da veciña As Pontes.

O oco de Moirón no Santaballés será ocupado por Juan Rodríguez. Que se asenta na Chaira despois da súa chegada ao Rácing Villalbés na pandemia. O preparador chantadino, que non chegou a estrearse co Monterroso, debutará así na Preferente.

En Lugo tamén hai novidades importantes. Álvaro Meilán rematou unha longa traxectoria coa Residencia para deixar paso a un home da casa: Dani Galán. O antigo ‘dez’ compaxinará o primeiro equipo branquiazul coa base do Lugo. No norte, volta a casa un vello coñecido. Bebo liderará un Foz que foi de menos a máis da man de Javi Chinchón. Por último, volve a escena o Atlético Escairón. Julio Corral, confirmado na pandemia, será o xefe no Saviñao.

Luca´s Grill
Moreno´s Pizza

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 861

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.