O 27 de maio de 2023 entra de cheo na historia do Racing Villalbés. O cadro chairego xogou en Vilalba a ida dunha final polo ascenso á Segunda RFEF. Pase o que pase no encontro de volta, a cita supón un fito na traxectoria do equipo.

Nas seguintes imaxes tentamos transmitir algo do que se viviu na capital da Terra Chá no partido entre o Racing e o La Calzada. Na previa houbo recibimento aos xogadores no centro da vila. Logo o racinguismo trasladouse á Madalena que esta sábado acolleu a uns 1400 afeccionados.

O resultado do choque non foi o mellor para o cadro local, pero aínda así as imaxes recollen a ledicia no gol de Vérez, como viviu a afección a entrada de Rares ao campo ou as boas actuacións de futbolistas como de Marcos Álvarez ou Make.