Palabra de… Andrés Bustelo: A importancia do fútbol base

Despois de moito pensar sobre que falar nestas liñas, cheguei a conclusión de que tiña que ser o que penso que é máis importante no fútbol: a base. O fútbol base é posiblemente a mellor etapa que un pode pasar como futbolista, onde realmente desfrutas do que fas sen pensar máis lonxe do próximo partido.

Tiven a sorte de desfrutar moitos anos, dende prebenxamín ata xuvenil, de innumerables adestramentos e partidos, percorrer toda Galicia de norte a sur e inclusive saír da comunidade e do país, enfrontándome a verdadeiros equipazos e vendo cómo traballan o fútbol base ditos equipos. De todo isto, un quedase cas amizades que fai, sen dúbida o máis bonito do fútbol. Pero tamén un se queda con todos os aspectos da aprendizaxe deportiva que cada adestrador foi capaz de inculcar. E cando digo APRENDIZAXE DEPORTIVA non estou a falar unicamente do aspecto futbolístico, senón tamén do persoal e do humano.

Bustelo celebrando un gol. ANTONIO VAZTRA

Por desgraza, non é difícil nestes tempos atopar situacións desagradables dentro dos recintos deportivos, que poñen en dúbida o verdadeiro fin deste deporte. Cando me refiro a estas situacións desagradables seguro que a todos se vos veñen a cabeza, insultos, ameazas, patadas antideportivas e incluso se ides máis lonxe, pelexas entre xogadores ou entre afeccionados. Todo o mundo denuncia estas actitudes, e todos estamos de acordo en que para nada teñen que ver co fútbol, pero en realidade poucos se paran a pensar que estes problemas non resultan así porque sí en medio dun partido, senón que veñen dados por unha mala educación e unha mala formación nas idades máis temperás.

Outros casos que tamén me chaman a atención son os desas persoas que pensan que por levar un neceser e uns cascos máis grandes ca bolsa da roupa do partido van xogar mellor, ou eses outros que se dedican a dar ordes e berrar durante o partido como si él fose o adestrador ou tamén eses ‘compañeiros’ que queren xogalo todo e non respectan as decisións do adestrador. En fin, innumerables casos coma estes, que seguro que vos ten coincidido ver algunha vez. De verdade que é iso o que están a aprender nas escolas deportivas? 

Andrés conduce o esférico. ANTONIO VAZTRA

Entón… cal é a solución para evitar éstos problemas? Pois ben sinxela, formar persoas ademais de futbolistas. Ese é o verdadeiro traballo que deben ter os adestradores do fútbol base. Ademais de traballar os conceptos máis básicos do fútbol como golpear o balón ou facer un control, deben ter a obriga de educar dende pequenos a boas persoas para que nun futuro poida haber mellores profesionais neste deporte. Baixo o meu criterio, é tan importante iso como o meramente futbolístico. Investir na base é necesario para que o día de mañá non nos atopemos ante estas circunstancias anteriormente citadas ou algunhas similares. Iso non é fútbol. As grandes canteiras futbolísticas nacionais e internacionais deberían dar máis exemplo do que o fan, posto que son o espello onde os máis novos se queren ver reflexados.

E ata aquí creo que chegou a miña humilde opinión sobre o fútbol formativo. O meu máis sincero agradecemento a todos eses adestradores e compañeiros dos que desfrutei e que me ensinaron a amar este deporte.

 

Andrés Bustelo. Xogador do Xove Lago e apaixoado do noso fútbol

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 857

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.