Os onces da novena xornada na Segunda

Guitiriz e Chantada B seguen á fronte da clasificación nos dous grupos da Segunda Galicia, pero a igualdade manda e a distancia cos seus rivais é moi pequeña. No norte, os cinco primeiros equipos teñen unha diferenza de só dous puntos e no sur os tres primeiros tamén manteñen esa mesma distancia. Unha igualdade que tamén se reflicte nos onces da xornada.

No grupo norte, o Guitiriz e o Pol empataron no duelo da xornada, situación que aproveitou o Lourenzá e o Cabreiros para apretala clasificación despois de vencer ao Iberia e ao Mondoñedo, respectivamente. Quen desaproveitou a oportunidade de asaltar a zona de ascenso foi o Burela que non pasou do empate no seu encontro ante o Meira. Despois do Lourenzá, o equipo máis en forma da competición é o Folgueiro que suma xa catro vitorias seguidas despois de golear ao Abadín. Avanza postos o Roupar, logo de vencer ao Cospeito na súa casa. Tamén recuperou sensacións o Alfoz que se reencontrou co triunfo ao gañar ao Matela. O conxunto local púxose moi cedo con 3-0, pero o traballo do Matela e que o Alfoz quedara con nove sobre o campo, fixeron que o resultado se apretara para rematar nun 3-2. Na zona baixa, o Ourol conseguiu o primeiro punto da temporada ao empatar a domicilio ante a Candelaria.

No grupo sur, o Chantada B non fallou e segue líder ao gañar ao outro filial da categoría, o Monterroso B. De preto, séguenlle o Oural e o Friol, ambos venceron ante o Palas e o Portomarín, respectivamente. Quen fallou na parte alta foi o Chantada Atlético que perdeu co Sporting Lucense pola mínima. Quen venceu foi o San Lázaro que non se quere separar dos postos altos e derrotou ao Becerreá. Seguen sumando Santa Comba e Antas que non pasaron do empate, nunha gran actuación, entre outros do central Antonio. O Brollón volveu gañar ao derrotar a Milagrosa no Gorgoso. O Castroverde sumou un punto co Rubián para manterse fóra dos postos de descenso.

 

 

Imagen por defecto
Iván Calaza
Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.
Artículos: 465

Deja un comentario