Os desexos dos equipos de Terceira e Preferente para o 2019

Comezou un novo ano e os noso equipos de Terceira e Preferente poñen moito en xogo na segunda metade da temporada. Falamos con todos eles, que nos contan cales son os seus desexos de cara a este 2019:

José Durán (Polvorín): “O noso gran desexo para o 2019 é acabar de asentarnos na categoría e conseguila permanencia”.

Simón Lamas (Racing Vilalbés): “Desexámoslle a tódolos equipos e xogadores do clube toda a sorte do mundo na consecución dos seus obxetivos individuais e colectivos, e a todo o fútbol lucense un ano sen lesións para todas e todos”.

Chusky (Viveiro): “Que as lesións respeten aos xogadores e intentar chegar nos postos de cabeza ás últimas xornadas de liga”.

Marzán (Sarriana): “Que nos respeten as lesións na segunda volta e recuperar os xogadores mancados para poder soñar con metas altas”.

Rafa Casanova (Ribadeo): “Que todos sigamos disfrutando deste deporte e poder manter o gran grupo humano que temos”.

Javi Chinchón (Foz): “Desde a familia do C.D. Foz deséxolle a todos un 2o19 cheo de saúde e alegría e no aspecto deportivo, moitas vitorias, moitos goles a favor, poucos en contra e sobre todo que podamos acadala permanencia na categoría”.

Dumi (Castro): “Que o clube institucionalmente continúe recuperándose na línea que o está facendo e sexa sostible a longo prazo. Deportivamente, rematala temporada o máis dignamente posible, competindo o máximo número de partidos posibles e formando xente de cara a vindeira temporada”.

Imagen por defecto
Marcos Fernández
Apaixoado do fútbol, en especial do modesto, que aínda mantén os verdadeiros valores do deporte
Artículos: 409

Deja un comentario