O anecdotario: “E co dez… Aznar”, por Fernandito

O día no que un alto cargo vestiu a camiseta dun dos equipos da provincia
Aznar, o dez, no centro da imaxe.

Isto remóntase á miña época como xoven xogador do Monterroso. Tería 19 ou 20 anos e estaba no equipo do pobo. Era o fin de semana de ‘Carnavais’ no pobo. Xa vos podedes imaxinar… O club organizaba unha festa de Entroido coa súa correspondente ruta.

Complicouse a festa… Complicouse a ruta final… É dicir, que se estendeu ata o día seguinte. Fun xogar case sen durmir. Aínda ía disfrazado coa máscara do expresidente do Goberno José María Aznar.

De feito, fun coa máscara posta ao campo. Creo que era en Paradela. E nada… Cando foi dar o once o adestrador dixo: “E co dez… Aznar”. Despois creo que ata Aznar marcara un gol.

Fernando Sánchez García ‘Fernandito’. Adestrador do Portomarín, referente en Monterroso

Imagen por defecto
Diego Díaz Martínez
Polivalente hiperactivo. Enfermo do "balompié". Só estás a un mal día de ser coma min.
Artículos: 752

Deja un comentario