O Polvorín golea en Abegondo e o Viveiro faise co derbi provincial

 

Xa en vísperas dunha nova entraga da Terceira, a oitava xornada déixanos o triunfo do Viveiro en Cantarrana no derbi provincial ante o Racing Vilalbés e a goleada do Polvorín en Abegondo ante o Fabril no choque entre filiais.

O Viveiro reencóntrase coa vitoria no derbi ante o Racing Vilalbés (2-0).

Encontro marcado pola intensa choiva que caeu sobre Cantarrana e impediu que o céspede estivera en boas condicións. Os mariñáns sumaron tres importantes puntos logo de non facelo desde a segunda xornada, mentres que os chairegos racharon a súa boa xeira de resultados, pero manteñen o terceiro posto na clasificación. Chusky deulle entrada a Dani Montes no lateral dereito e a Facu e Asier na liña de creación, mentres que Simón Lamas alineou de comezo tres centrais pra contrarrestar o potencial ofensivo viveirense.

O dominio na primeira metade foi alterno, aínda que o Viveiro tivo máis o balón e chegou con maís perigo á meta rival. A primeira ocasión tívoa Javi Rey, pero o seu disparo saiu lixeiramente desviado. Respostou o Racing cun tiro cruzado de Buyo, pero sen acerto. A falta de oito minutos para o descanso, Asier aproveitou un erro defensivo e serviu un bo balón a Facu, que definiu ante a saída de Javi Pita.

Tras o paso por vestiarios, Santi Gegunde entrou no sitio Muíña pero o Racing non mellorou as súas prestacións ofensivas, ante unha ordeada defensa viveirense. Nunha das únicas ocasións claras da segunda metade chegou a sentencia para o conxunto local, obra de Rolle ao culminar unha contra. Nos derradeiros minutos, Gerardo foi expulsado por dobre amonestación ao ententer o colexiado que simulara penalti.

O martes, o Racing Vilalbés recibe na Madalena ao Somozas, líder da categoría, mentres que o Viveiro viaxa ao Poboado para medirse a un As Pontes que vén de caer derrotado no campo do Fisterra.

O Polvorín golea ao Fabril en Abegondo no duelo de filiais (1-4).

Terceiro triunfo da temporada para un Polvorín que se coloca na sexta posición da táboa clasificatoria, e con tres encontros aínda por disputar. O vindeiro martes ás 12 horas na Cheda, na novena xornada, recibe ao Silva, que ven de acadar o primeiro triunfo da campaña.

Comezou o filial albivermello cunha presión alta, dificultado a saída de balón dun Fabril que comezou levando a iniciativa. Os de Valerón tentaron, mediante rápidas contras, buscar a espalda dos centrais lucenses, pero non tardou o Polvorín en recuperar o balón e comezar a facer o seu fútbol, entrando ben polas dúas bandas, con Martín e Expo como protagonistas. A ocasión máis clara da primeira metade tívoa Gabarre, que non atinou a rematar á saída dun córner.

Logo do paso por vestiarios chegou o carrusel de goles. Aos dez minutos un balón servido por Gabarre foi rematado por Jesús cun tiro cruzado ante o que nada pode facer Pablo Brea. Poucos minutos tardou en chegar o segundo. Antón Escobar serviu un bo balón a Cristian que non perdonou. O propio Escobar fixo o terceiro logo dunha gran xogada individual que rematou cun tiro cruzado lonxe do alcance do gardameta fabrilista. Os de Álex Ortiz, co marcador xa moi favorable cedéronlle o balón ao rival. Nunha das únicas ocasións dos locales chegou o tanto da honra, obra de Javi Sanmartín. Xa moi preto do final, o ex fabrilista Iago Novo fixo o cuarto e definitivo cun bo lanzamento desde fóra da área.

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 498

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.