Lemos B, dobrete de Álex e liderado en solitario

O dianteiro monfortino anotou dous dos catro goles do seu equipi

A xornada da Terceira Rexional xogouse ao completo. En ambos grupos continúa a igualdade na parte alta. Con partidos pendentes de xogar e varios equipos na pelexa. A principal novidade, o liderado do Lemos B na zona sur. Repasamos algúns detalles da xornada nunha nova entrega do Tres en Raia.

Luca´s Grill
Moreno´s Pizza

Na zona norte os catro primeiros clasificados sumaron os tres puntos e dividen unha miga máis o grupo. Sepáranos tres puntos, co Castro B pendente de xogar un partido aprazado. O Catro Roldas mantén o liderado ao derrotar ao Celeiro. Un partido con dous dobretes. Moha para o conxunto amarelo e Xabi para o cadro viveirense.

A un punto do Catro Roldas continúa a Comercial. Os pupilos preparados por Andrés Rodríguez venceron na Reigosa ao Friol B. O gardamallas Joshua continúa sendo o porteiro menos batido do grupo.

Deportes Élide

Vinte son os puntos que acumula o Rioaveso. Venceu en Paraños pola mínima ao Nuevo Nausti. O gol de Miro foi do pouco reseñable do encontro. Pola súa parte, o filial do Castro venceu ao Cazás. O equipo de Xermade afástase algo máis do cuarto posto.

Na zona sur, o Lemos B queda como líder en solitario da táboa clasificatoria coa derrota do Rubián. Sumou o sétimo triunfo do curso ante o filial do Taboada. Álex foi un dos grandes protagonistas do encontro ao anotar dous goles; un deles de gran execución.

O Sober aproveitou as circunstancias para meterse no segundo posto. Iso si, ten un partido máis xogado ca o Lemos B e o Rubián. O cadro soberés venceu con claridades ante o Relámpago Taboada.

O Monterroso B segue coa súa progresión e derrotou a un rival directo como é o Carballedo para sumar o terceiro triunfo seguido neste ano. O filial amosa as súa candidatura para pelexar polos primeiros postos.

Na metade da táboa, recuperouse o Castroverde. Volveu gañar logo de enlazar catro derrotas. Venceu ao Rubián nun partido que estivo envolto na polémica.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 559

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.