Xoán e Eladio, protagonistas goleadores na xornada da Segunda

Xoán foi o autor de catro goles para o Cospeito na Fonte

A xornada da Segunda Rexional estivo marcada por unha finde con moitos goles nalgúns campos. Dez houbo na Fonte e sete nos Chacotes. A excepción do Páramo – Corgo, o resto de partidos puidéronse xogar con normalidade. Cabreiros, Meira, Becerreá e Ferreira seguen na cabeza.

Luca´s Grill
Moreno´s Pizza

Na zona norte, grupo 1A, o Cabreiros enlazou o terceiro empate consecutivo. Igualou a un gol no derbi ante o Xermade. O equipo preparado por Abel Rochela mantén marxe na táboa xa que o Celta Barreiros perdeu. O cadro do Cascabeiro caeu derrotado pola mínima ante un rival directo, o Sanci. Vitoria de peso dos pupilos de Jaime Méndez que remataron o partido con nove.

O Roupar estreouse no 2022 (ten dous partidos aprazados) con vitoria ante o Iberia. O conxunto verde conseguiu o segundo triunfo do curso cun gol de penalti de Sebas. Os de San Miguel afrontaron o partido con baixas, principalmente na punta do ataque onde non estiveron nin Balbón, nin Barrera nin Joni.

Esta situación aproveitouna a Candelaria para non perder esperanzas de chegar ao cuarto posto. Venceu ao Mondoñedo e colócase a catro puntos do Iberia cun partido pendente de xogar.

Na zona norte, grupo 2A, o Meira continúa ao seu. Recuperouse da derrota en Guitiriz cun triunfo na Lomba. Lourido marcou o seu terceiro gol en catro titularidades. Iso si, o Matela presentou batalla. O encontro decidiuse no último cuarto de hora cando o equipo de Outeiro xa xogaba cun menos pola expulsión de Joni.

O duelo trepidante de goles viviviuse na Fonte. Sete marcou o Cospeito e tres o Guitiriz. E iso non foi todo para o cadro local que mandou dous balóns ao pau e fallou dous man a man. Luciuse Xoán, autor de catro goles.

O Cospeito está a dez puntos do Meira cun partido menos e empatado co Goiriz que ten un partido máis. O conxunto vilalbés venceu con claridade no resultado na Fonsagrada. Eladio marcou os tres goles do encontro. Non obstante, o gardamallas Marcos tamén foi dos destacados con grandes intervencións de mérito ante a ofensiva local.

O Abadín e o Muimenta empataron a dous goles no Municipal. O resultado permítelle aos celestes seguir na pelexa polos postos de privilexio. Por outra banda, o Abadín sobe a moral pero ve como se afastan os equipos de diante.

Eladio marcou tres goles na Fonsagrada

Na zona sur, grupo 2A, o Becerreá venceu de novo para sumar a novena vitoria da tempada. Derrotou ao Santa Comba e completou unha semana de seis puntos ao vencerlle o mércores anterior ao Paradela.

Dez puntos o separan do Páramo (non xogou) e do Paradela (igualou ante a Mila). Os de Rubén Bergantiños comezaron peor pero repuxéronse no segundo tempo.

A zona media da táboa apértase e o Palas quere sumarse á festa. Nunha tempada na que os resultados a favor non terminan de darse, salienta o contundente triunfo ante o Sporting Lucense. Unha vitoria con sete goles liderada por Chorén.

Na zona sur, grupo 2B, o Ferreira cortou a súa xeira de vitorias pero sumou un punto ante o Brollón. Sitúase tres puntos por riba dun forte Río Sil que venceu ao Quiroga. Apúntase á pelexa o Oural que gañou no seu primeiro encontro do ano ante o Bóveda. Queda a catro puntos do líder, cun encontro máis pendente de xogar.

Era tamén o primeiro partido do 2022 para o Chantada B que perdeu ante o Incio. O cadro amarelo fíxose cos tres puntos no tramo final e non perde a esperanza de loitar por entrar na zona de privilexio. Valenzuela foi autor dun dobrete para os seus.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 528

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.