Iberia, Paradela e Guitiriz, os grandes triunfadores sobre o tapiz

O Iberia venceu no derbi do concello e segue moi vivo na pelexa polo 4º posto

Vén un Entroido sen caretas na Segunda Rexional. As contas están claras aínda que ninguén sabe como se resolverán. A zona norte da categoría ten a intención de pechar esta finde a 1ª fase con dous postos da zona alta en cadanseu grupo por ter dono definitivo. Na zona sur, tamén faltan catro postos por coñecer propietario, pero a varios equipos aínda lles quedan dúas xornadas. Os detalles, nunha nova entrega dos #OncesFutbolinlugo.

Luca´s Grill
Moreno´s Pizza

Na zona norte, grupo 1A, a falta dunha xornada, a táboa clasificatoria deu un xiro. O Sanci colocouse na primeira posición con 27 puntos e confirmou xa 100% a súa participación na fase polo ascenso. Gañou pola mínima ao Xermade na Veiga. Agora é o mellor posicionado para finalizar 1º neste grupo tan igualado. Aínda que o seu rival na última xornada será a Candelaria que se xoga tamén quedar na zona de privilexio.

Con dous puntos menos ca os pupilos preparados por Jaime Méndez, sitúase o Cabreiros. O único que lle pode desputar o posto. O cadro da Cea non fixo un gran encontro e só puido sumar un punto ante o Mondoñedo. Cuarto empate do curso para os de Abel Rochela que levan unha soa vitoria neste 2022 (nunha xornada aprazada correspondente ao ano pasado). Cerra este tramo de liga fronte ao Celta Barreiros que tamén se xoga moito.

Deportes Élide

Precisamente o Celta Barreiros é 3º (23 puntos) logo de caer no gran partido da xornada. Perdeu no derbi co Iberia (5º, con 21 puntos) que tamén se leva o gol average a favor.

Todo se igualou aínda mais porque a Candelaria (4º, con 21 puntos) só sacou un punto da súa visita a Roupar. Polo que a loita vai ser moi intensa na última xornada polos dous postos libres de ascenso.

Equipos clasificados fase de ascenso: Sanci e Cabreiros

Na zona norte, grupo 1B, xogouse só o partido aprazado da penúltima xornada. O Guitiriz venceu con claridade ao Fonsagrada e clasifícase para xogar polo ascenso na segunda fase.

Esta finde xogarase a última xornada con dous postos por decidir. O Cospeito con 20 puntos é o mellor posicionado. Logo Muimenta, Goiriz e Matela teñen 17 puntos e o Fonsagrada 15. O Muimenta e o Goiriz xogan entre eles.

Equipos clasificados para a fase de ascenso: Meira e Guitiriz

Na zona sur, grupo 2A, quedan dúas xornadas para rematar a liga. Agás para o Páramo e o Sporting Lucense que serán a quen lle toque descansar nas dúas últimas. Na pasada finde o Becerreá continou aumentando a súa puntuación na cabeza ao vencer ao Antas.

Pola súa parte, o Paradela asegurou a súa participación na fase polo ascenso ao vencer ao Sporting Lucense que tamén loita pola zona nobre. Dous postos quedan aínda por confirmar. Terceiro é o Páramo que conta cunha diferenza de seis puntos cos seus rivais pero sen ter aínda asegurada a praza. Esta semana recuperou o seu partido co Sporting Lucense e igualaron.

A Mila é 4ª con 19 puntos, cos mesmos puntos está o Antas (5º); na sexta posición atópase o Palas (6º con 17 puntos) e o Sporting Lucense (7º con 17 puntos).

Equipos clasificados para a fase de ascenso: SD Becerreá e Paradela

Na zona sur, grupo 2B, só houbo dous partidos e agora hai equipos aos que lles falta por xogar dous ou un encontro. Na pasada finde o Ferreira venceu con contundencia ante o Bóveda e rematará a 1ª fase como líder.

Pola súa banda, o Río Sil e o Brollón empataron sen goles nun duelo directo. O equipo da Carqueixa está a piques de confirmar a súa presenza na loita polo ascenso, pero o duelo pendente entre o Oural e o Incio impídello polo momento.

O Río Sil é 2º con 22 puntos, logo na 3ª e na 4ª praza aparecen o Oural e o Chantada B con (e un partido menos). A 5ª posición está ocupada polo Brollón con 18 puntos e na 6ª o Incio con 16 puntos (e un partido menos).

Equipos clasificados para a fase polo ascenso: Ferreira

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 541

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.