O fútbol veterán comeza un novo curso

O fútbol veterán está ante as portas dun novo comezo dos campionatos. Para varias parroquias ou concellos os veteráns son os únicos que aínda manteñen o espírito do balompé con vida e fan desfrutar cada fin de semana os seus familiares e vecinos. Para iso, poñemos a vosa disposición os calendarios das tres categorías do fútbol veterán lucense.

A Primeira Autonómica Provincial comezará a segunda fin de semana de setembro. O primeiro clasificado desta competición participará no Campionato Galego. Pola súa banda, os tres últimos equipos da táboa clasificatoria ao final da temporada descenderán á Segunda. En total trinta xornadas para seguir practicando o que a un máis lle gusta.

Na estrea da competición, o Pol, campión da liga na temporada pasada, visita ao Guntín; mentras que o Atlético Illán que finalizou segundo cunha moi boa xeira de resultados no último tramo da competición recibe na casa ao Lambruxos de Sarria. Hai que destacar que a décimo novena xornada que se ía desputar a fin de semana do Entroido, adiántase para o 7 de xaneiro.

A Primeira provincial de veteráns comeza na mesma fin de semana ca Segunda e Terceira sénior

As citas máis destacadas, á marxe da importancia dos puntos que poida xerar a propia competición, chegan nos duelos de maior proximidade xeográfica. Destacarán os encontros entre os catro equipos sarrianos e os tres begonteses. Na xornada 3 xógase un Begonte FV – AD Vet. Saavedra e na catro un AD Vet. Saavedra fronte ao Atlético Illán. O primeiro derbi sarriano desputarase na segunda fin de semana de outubro entre o Trasnos FV e o FV Lambruxos Sarria. Na xornada seguinte xogarán os outros dous conxuntos sarrianos: AD Vet. Sarria – Sarriana FV.

Para a segunda fin de semana de novembro queda o Begonte FV- Atlético Illán. Na xornada 12 cae outro derbi sarriano: AD Vet. Sarria – Trasnos FV; mentras que para a primeira semana de decembro tocan o FV Lambruxos Sarria co AD Vet. Sarria e o Trasnos FV co Sarriana FV.

Consulta o calendario completo descargando o seguinte arquivo: primeira_provincial_veterans

Non obstante, a primeira categoría de fútbol veterán que abrirá a temporada será a Primeira Autonómica Local na que participan equipos do concello de Lugo e algún dos arredores como o Outeiro de Rei. Serán 34 xornadas de máxima emoción por pásalo ben e gañarlle cada semana ao veciño. Non faltará na categoría, o campión do curso pasado, o ADC Sagrado Corazón.

A liga local de veteráns comeza na mesma fin de semana ca a Primeira Galicia sénior

Consulta o calendario completo descargando o seguinte arquivo: primeira_autonomica_liga_local

A mesma fin de semana comeza a Segunda Autonómica Provincial que contará este ano cun equipo máis ca o pasado. Incopórase o CD Codesido (despois de que hai un ano desaparecera o conxunto sénior), polo que o número de equipo pasa de catorce a quince e cada xornada un dos conxuntos descansará. Precisamente é o Codesido o que abre a competición cun dos duelos máis chamativos, xa que se enfrontará no campo da Liga ao seu veciño, o AD Vet. Santaballés. 

Os vixentes campións, os veteráns de Román iniciarán a temporada na casa ante o Sarria SD

O gran número de equipos de parroquias vilalbesas fai que na maior parte das xornadas haxa derbis interparroquiais. Ademais de CD Codesido e AD Vet.Santaballés, tamén competirán o AD Vet. A Canteira, o CD Albense e o AD Vet. Sancobade. Outra das citas máis destacadas chegará na xornada 10, xa que se enfrontarán os dous equipos do municipio de Rábade (que este ano tamén terá equipo en competición sénior): o Enxebre/Rabadense e o CD Rábade Vet.

Consulta o calendario completo descargando o seguinte arquivo: segunda_autonomica_provincial

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.