Seguen chegando máis novidades en canto aos movementos de mercado. E dende Futbolinlugo tratamos de chegar cada vez máis ao resto de equipos que aínda non tiveron a súa presenza no noso diario. Hoxe descubrimos algúns deles, xunto con outros máis habituais.

Na mesma función levou a Milagrosa á Segunda División Nacional onde xogou a tempada 2015/2016

Joaquín Blanco pasa a ser o novo adestrador da Milagrosa feminino, así como director do fútbol da escola do conxunto da capital lucense. O técnico conta con experiencia no Nuevo Recreo Industrial de León, SDC Residencia, SD Guitiriz e tamén xa con pasado na Mila. Por outra banda tamén é seleccionador de Lugo feminino na categoría sub-15.

No fútbol masculino, na Segunda Galicia o Abadín só incorpora como fichaxes, en principio, a Alberto que vén do Matela. Non obstante, hai unha serie de futbolistas que están facendo a pretemporada co resto de xogadores e que ao longo deste mes se decidirá o seu futuro. Entre eles, Iván Barro e Iván Seco que son xuvenís. Tamén probará Diego del Río que vai tentar retomar o fútbol despois de dous anos de lesión. Situación similar a de Suso, xa que unha lesión de xeonllo lle fai dubidar de se poderá competir. Por último, o xuvenil Pablo Díaz está traballando co equipo pero ten a intención de recalar noutro conxunto xuvenil da zona. Ás baixas xa comentadas de Esteves (deixa o fútbol) e Pedro (Cazás), súmase a de Rato que seguirá xogando o fútol nos veteráns do Abadinense. No tocante a pretemporada o Abadín recibirá o 12 de agosto ao Ourol, o 15 xogará co Catro Roldas, o 18 e o 25 fronte o Castroverde (un nunha localidade, outro na outra) e o 3 de setembro contra o Rioaveso.

Na mesma categoría o Iberia segue anunciando incoporacións. Adrián Vijande volve ao fútbol campo despois duns anos practicando o fútbol sala. Tamén chega ao conxunto de Reinante o lateral Marcos tras pasar polo Muralla, San Roque e Guntín. Na zona sur o Chantada Atlético tamén ten planificado este mes intenso de amigables. O 9 enfróntase ao Cogal Rodeiro, o 13 ao Taboada, o 19 co Sober, o 22 co Lemos, o 26 reciben ao Bóveda e o 2 fronte ao Relámpago Taboada.

Na Terceira Galicia, o CD Rábade incorpora ao lateral dereito Cristian nativo de Rábade. Outro do concello rabadense que está a punto de chegar é o media punta Sergio, ex xuvenil do Outeiro que podería formar parte do equipo do seu pobo. Dende o equipo optarán por xogar poucos amistosos, polo momento teñen confirmado un triangular o día 3 de setembro co Celeiro e outro club. Tamén se espera un enfrontamento co Friol aínda por confirmar. Na mesma división, o Corgo incorpora a Iago Alonso, ex canteirán da Residencia.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 548

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.