Luns pola mañá e toca actualizar novidades cun novo Diario dun mercado. Iniciamos o repaso pola Terceira RFEF. O arxentino Tomás Susavila é a nova fichaxe da Sarriana. Un lateral dereito de 21 anos que vén de xogar no grupo 8 da Terceira Federación.

Baixamos á Primeira, onde Iván Gayoso ‘Ivi’ e David Delgado ‘Congui’ renovan no Chantada Atlético. O porteiro e artista polivalente Daviz Comor continúa no Santaballés. Ao igual que os seus compañeiros Neska, Martín e Nito.

Na Segunda, contamos moitas continuidades. Rodrigo Amarante mantense á fronte do Carballedo ao igual que Juan Bellas na meta do Xermade. Álex Mavilo renova no Quiroga.

Na Terceira, Huguito regresa ao Celta Barreiros. Bruno ‘Payu’ deixa a disciplina do Celeiro e Xavi renova no Río Sil. Por último, un apunte de fútbol feminino. Roberto Osorio ‘Sementa’ seguirá adestrando ao Carballedo.