Diario dun mercado. Episodio 277

O mercado está que arde ao longo e ancho da nosa provincia.

Luca´s Grill
Moreno´s Pizza

Comezamos na Terceira. O Racing Vilalbés anunciou as baixas de Ángel Fraga e Otero. O primeiro foi indiscutible na portería da Madalena, pero por motivos laborais abandonará o conxunto chairego. O gardamallas marcha a Pamplona e é probable a súa fichaxe nalgún conxunto pamplonés. O segundo deixou boas sensacións na súa única temporada ás ordes de Simón Lamas.

Na Preferente o Ribadeo é o protagonista. O cadro celeste anunciou a primeira contratación. Un clásico do noso fútbol, Xaime, estará ás ordes de Dani Moirón. Logo do seu paso polo Viveiro, co que logrou o ascenso a Terceira, o último treito da temporada xogou no Pol. Ademáis, os mariñáns anunciaron tres renovacións no seu cadro de xogadores. O capitán Isma, xa recuperado da súa lesión no tendón de Aquiles, correrá a banda do Pepe Barrera por décimo terceira temporada. Renovaron tamén os dous gardametas. Carrera e Dos Santos competirán por un posto na portería a vindeira campaña.

Deportes Élide

Moitas novidades en Primeira Autonómica. Víctor López ‘Vitín‘ non continuará no banquiño do Pastoricense. O meirego será o sustituto de Juan Rodríguez no Santaballés. Muiña, logo de media campaña no Pol, causará baixa no cadro chairego.

Outro adestrador que non seguirá no cargo é Pelayo Paraje. O asturiano deixará o Sporting Pontenova despois dunha temporada no cargo. Máis tempo levaba no Folgueiro Oki. O xogador causará baixa no conxunto vicedense despois de seis temporadas defendendo a camisola vermella.

César Roca, unha institución no Guitiriz, deixará de pertencer ao club. Con máis ou menos implicación acumula 27 anos no Suso Cruz. Tampouco continuará Javier Ferreiro ‘Tanketín‘. O xogador friolés deixará o fútbol por molestias nas costas que lle impiden disfrutar do deporte. O Castro B, recén ascendido a Segunda, ficha ao mediocentro Adrián Fernández ‘Piraña‘ que chega ao Arturo Pereiro procedente do Muimenta. O San Roque reforza o seu centro do campo coa chegada de Cachón, logo de toda unha vida defendendo as cores do Portomarín. Luis Sandamil e Jesu Vigo serán a man dereita de Basi no banquiño do Muimenta.

O Matela xa ten novo adestrador. Será Cuchi, con pasado no San Roque, Meira ou Pol. Adrián Vázquez, segundo adestrador do Pol, non continuará a coordinar a base do Sagrado Corazón.

O Peluquería Mixta Friol asegurou a continuidade da súa pichichi Alicia Martínez.

Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 499

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.