Comeza a semana do II All Star

O vindeiro sábado 25, como ben sabedes, terá lugar unha nova festa do fútbol lucense. Desta vez, será o concello de A Barrela (Carballedo) o que albergue o II All Star Futbolinlugo. Logo de celebrar a primeira edición no 2019 en Burela e do parón obrigado pola pandemia, buscamos continuar a dar visibilidade ao fútbol que máis nos gusta, o afeccionado.

Luca´s Grill
Moreno´s Pizza

O formato será algo diferente ao da primeira edición, pois a festa comezará pola mañá no campo dos Catro Ventos. O fútbol feminino abrirá a xornada ás 11:30, cun partido inédito entre unha selección do norte da provincia e outra do sur. Ao término deste choque, futbolistas e organizadores terán o seu merecido parón para xantar.

Agarimoso saúdo entre as participantes no I All Star. Foto: Fundación TIC
Deportes Élide

Retomaremos a diversión ás 17:00, cando comezarán os diversos concursos dos que gozaremos: tiro ao longueiro, fut-golf e unha das estrelas da tarde, o fútbol burbulla. Toda a información relativa á inscrición nos concursos estará na nosa web a partires deste luns 20 ao mediodía, pero calquera poderá apuntarse a eles.

Rematados os concursos, dará comezo o partido masculino (19:00). Nel, mediranse os xogadores de Preferente e de Terceira cos de Primeira e Segunda. Será unha boa oportunidade para coñecer aos futbolistas máis destacados do balompé lucense. Por último, pecharemos a edición coa entrega de trofeos e cunha pequena homenaxe a todos aqueles que decidiron colgar as botas (ou as luvas) esta temporada, como son Montxo, Diego Arias, e moitos outros!

Ademais, xa podemos revelar aos adestradores que participarán nesta edición:

Javi Chinchón colgou as botas no I All Star, pero participará no II como técnico.

Selección feminina norte: a encargada de dirixir ao conxunto será Pili Neira, toda unha entidade no fútbol feminino do país que xa estivo con nós no I All Star Burela 2019.

Selección feminina sur: o técnico será Ibán Crespo, adestrador do conxunto feminino do Carballedo CF. Xogará, por tanto, na súa casa, onde tan ben están a facer as cousas en termos de fútbol feminino.

Selección masculina Preferente + Terceira: Javi Chinchón levará as rendas do equipo. Logo de participar como xogador na primeira edición, o mariñán (que xa sabe o que é entrenar ao Foz na Preferente) cambia de rol. Estará acompañado por Paco Corredoira, un home destacado do fútbol lucense pola súa traxectoria como xogador e como adestrador que volve así aos banquiños logo dun tempo parado.

Selección masculina Primeira + Segunda: Roberto Fernández (quen tamén estivo con nós no 2019) será o director de orquestra do equipo. O ex-gardamallas dará así o seu primeiro paso na carreira de adestrador. Ao seu carón, o monterrosino Óscar Méndez aportará os seus coñecementos para facerse coa victoria nunha xornada tan especial para todos.

Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 524

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.