Diario dun Mercado. Episodio 113

24 horas dan para moito, para novidades en todas as categorías

Non pasaron nin 24 horas e xa traemos aquí outro menú completiño. Cheo de movementos en tódalas categorías. Na Terceira División, o Racing Villalbés recupera a un vello coñecido. O defensa Josito regresa á Chaira despois do seu paso por Bergantiños e Atlético Arteixo, onde xogou a última temporada. Marcando ademais a frioleira de cinco goles. Ademais, o Arzúa de Alberto López leva a dous vellos coñecidos da Sarriana: o central Edgar e o lateral esquerdo Álex Vázquez.

Na Preferente; a rei morto, rei posto. Xa hai substituto no banco da Sarriana. Dani Fernández, que vén de asinar unha notable campaña co Boimorto, será o novo xefe na Ribela. En Foz, optan pola continuidade. O míster Gayol, que parecía coller dirección Riotorto, seguirá un ano máis no Martínez Otero. Xunto a el farano Bruzos, Canario, Gonzalo, Cristian, Rivera, Xenxo e o seu fillo Iban Gayol. Trullo e Luis Varela causan baixa e incorporan a Dani Sante, defensa do San Ciprián. Por último, na veciña Ribadeo Pablo Rivas deixa o cadro do Pepe Barrera. E o comandante Marino seguirá facendo as delicias de Cantarrana. O núcleo duro mantense ao completo en Viveiro.

Baixamos unha categoría máis. Beni, un vello coñecido da afección do Sangoñedo, será o segundo de Juan Rodríguez na SD Chantada. Alí tamén coñecemos que Manute e Gonzalo farán a pretemporada co Chantada A. Os compañeiros do Chantada Atlético, pola súa parte, renovaron a Miko e Pana. Por Castro, seguirán os goles de Borja Corbelle. Autor de vinte goles co xuvenil a pasada campaña, xa conta con experiencia suficiente no primeiro equipo. E máis no norte, en Lourenzá concretamente, sumarán unha temporada máis os Roi, Noé, Diego López, Suso Foro, Jorge e David Vizoso.

A Segunda Galicia está que arde. No Iberia manteñen o bloque: Seijo, Lavilson, Darío, Arón, Perancho, David, Bachir, Adrián Juiz, Antón, Jordane, Andi, Balbón e o incombustible Marcos. En Alfoz, xogará outro dos Marcos clásicos. O ex do Burela incorpórase ao cadro verdibranco acompañado de Iván, ex de Foz, Cabreiros e San Ciprián, entre outros. Polo sur, o Rubián fichou a Diego López do Paradela. O Brollón renovou a Diego Álvarez e incorpora a Adrián Vilas do Sober. E no Incio, Álex Torres mantense unha campaña máis. Miqueias e Manu Corujo, procedentes da Sarriana xuvenil, farán a pretemporada co cadro amarelo.

Na Terceira Rexional temos novidades en forma de renovación. O Catro Roldas contará de novo con Adrián Fraga, Burgás, Iván, Carracedo, García, Forlín, Diego, Moha e Chuchi. Para rematar, as noticias do fútbol feminino. Sara, Noela, Andrea González e Nati Cervelo continuarán en Chantada.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.