Diario dun mercado. Episodio 112

Xa metidos de cheo no mes de xullo, o mercado segue collendo forza no noso fútbol. Comezamos cun dos nosos que xa fai tempo que traspasou as fronteiras da provincia. O vilalbés Kiko, deixa o Rápido de Bouzas para seguir na Segunda B, desta volta no fútbol extremeño nas filas do Don Benito. Antes de voltar á xeografía lucense, outro dos nosos, Fiz Rodríguez, ex adestrador de Pastoricense e Ribadeo, entre outros, farase cargo do Zona Vella, filial da S.D. Compostela. E non irá só. O noso Santi Real, ata o de agora na canteira do Racing Vilalbés, estará ás súas ordes.

O Viveiro segue artellando un equipo que lle garanta pelexar do novo polo ascenso. Despois de Manu Cedrón e Gerardo, chega a Cantarrana outro ex do Somozas: Álex Pérez. Tal e como adiantou  A Mariña de El Progreso, estará ás ordes de Chusky. Pola súa banda, o Lemos xa ten pechada a súa pretemporada. Xogará ante o Atlético Arnoia (31 de xullo), C.D. Velle (4 de agosto), Outeiro de Rei (11 de agosto), U.D. Ourense (15 de agosto) e Barbadás (18 de agosto) como local, mentras que no Sangoñedo ante a S.D. Chantada (8 de agosto).

Anxo Otero, un dos xogadores máis talentosos da Primeira Autonómica troca de equipo, pero non de pobo. Logo duns anos na S.D. Chantada xogará a vindeira campaña no Chantada Atlético. O San Roque tráenos unha boa nova, xa que, recupera para o fútbol a Javi Ben logo de tres anos inactivo.

Anxo Otero vestirá a camiseta do Chantada Atlético

Na Segunda Autonómica, José Ramón López «Cuchi», renova como adestrador do Meira, mentras que o Mondoñedo refórzase con Bruno, que esta vindeira temporada xogará coa camiseta do eterno rival, logo do seu paso polo Lourenzá. Na Terra Chá, o Goiriz renova a Óscar Lozano, xogador importante para o cadro vilalbés. Un chanzo máis abaixo, David Rodríguez «Torre» xogará no Rubián, a onde chega procedente do Paradela. O Lemos B, que renova totalmente o seu proxecto confirmou dous novos fichaxes: Mikel Durán, procedente do Bóveda, e Alfonso Quiroga, do Ferreira. No Chantada B continuarán a vindeira campaña Kevin, Tara e Jara. Asimesmo, o filial monfortino tamén ten confirmados os seus amigables dunha pretemporada que comezará o 12 de agosto: Chantada B (17 de agosto), Río Sil (21 de agosto), Ferreira (24 de agosto) e Brollón (1 de setembro).

Tamén temos novidades no fútbol feminino. O Carballedo renova a Diana Picos e Lucía Míguez, mentras que o Chantada tamén asegura a continuidade da porteira Ángela e das xogadores Belén e Marián. Álex Varela encabezará o cadro técnico, no que tamén estarán Xende e Carral.

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 500

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.