Cita histórica na División de Honra Xuvenil

Si. O campo da Reigosa, en Friol, será testemuña este domingo ás 12 dun acontecemento histórico no fútbol base da provincia lucense. Por que? CD Lugo e Racing Club Villalbés de xuvenís mediránse nun choque correspondente á 25ª xornada da División de Honra Xuvenil.

Ambos conxuntos chegan ao partido en situacións pouco acordes cos seus méritos. O CD Lugo -penalizado polo seu mal inicio de campaña- atópase na décima posición, con sete puntos de vantaxe sobre o descenso, e o equipo chairego chega ao derbi na última posición da táboa, pero nunha boa dinámica que o aproxima aos rivais máis próximos.

Porén, un derbi é un derbi, e se este dispútase na máxima categoría do fútbol base español, cobra aínda máis importancia. Durante 90 minutos, deixaránse de lado os puntos e a clasificación, e o único que importará será obter a vitoria ante o eterno rival.

A priori, o terreo de xogo favorecerá ao clube capitalino polo seu xogo combinativo, pero o Racing Villalbés leva toda a campaña demostrando que ningún rival en ningún campo é superior ás súas ambicións e ilusións nesta División de Honra na que, pase o que pase de aquí á conclusión da temporada, os xogadores xa escribiron unha páxina moi importante na historia de Vilalba.

Na ida, disputada no Estadio Roca, o Lugo levouse os tres puntos (1-2). Por aqueles días, Futbolinlugo xa fixera unha previa do primeiro derbi lucense na División de Honra, que podedes lembrar premendo aquí. Aquel derbi non estivo exento de polémica, xa que o gol da vitoria albivermella foi asinado nun penalti moi protestado polos locales.

Quizais este antecedente contribúa a que o Racing se lance polo triunfo este domingo. Ou quizais sexa o Lugo o que salte ao campo da Reigosa decidido, para demostrar que os tres puntos conseguidos na en Vilalba non foron casualidade. Xa sabedes, o típico dun derbi provincial: ilusión, gañas de demostrar, nervios previos… pero, sobre todo, moito fútbol e de moita calidade!

Recomendamos a todos os siareiros que queiran disfrutar dunha boa mañana de domingo que se aproximen ata Friol, porque a historia ás veces tan só é escrita unha vez!

 

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 523

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.