Os sobranceiros da Terceira na sétima xornada da 2ª fase

 

Rematou a primeira volta tanto na fase polo ascenso como no Trofeo Delegación de Lugo na Terceira Galicia. O Inicio lidera a fase que da acceso á Segunda Galicia que xunto con Corgo, Goiriz, Comercial e Catro Roldas ascenderían de categoría. O Muimenta consolídase como líder no grupo norte e o Paradela mantén as diferenzas no sur nunha fin de semana na que Celeiro e FC Becerreá descansaron.

O Incio venceu con claridade ao Fonsagrada a domicilio para sumar a terceira vitoria consecutiva, a quinta desta fase e manterse na cabeza da táboa. Torres, con tres goles, xunto con Urdi foron do máis destacado do encontro. Segundo é o Corgo que colleitou a súa primeira derrota diante do Sober. O Goiriz é terceiro ao empatar a un gol no Ventiño diante do Cervo. Cuarta é a Comercial que gañou ao Catro Roldas nun duelo de alternativas e de goles que decidiu finalmente un tanto de Javi Saavedra. Foi unha fin de semana de dous partidos tanto para Fonsagrada como Sober que xogaron o seu encontro suspendido  que finalizou con empate a un gol. O equipo soberino fixo nunha fin de semana catro puntos, máis ca os que fixera ata o momento (tres).

 

No grupo norte do Trofeo Delegación Lugo o Muimenta deu un golpe na pesa ao vencer no Pichón ao seu inmediato perseguidor, o Friol B. Agora o equipo adestrado por Basi ten unha diferenza de sete puntos sobre o filial friolés. Recuperou sensacións o Celta Barreiros que, despois de dúas xornadas, volveu gañar e con claridade diante do Rábade. Roberto con dous goles e Choni foron do máis destacado nun choque no que os locais quedaron con dez pola lesión de porteiro Xosé na segunda parte; Andina cumpriu baixo paus. Pola súa banda, o Cazás sumou a segunda vitoria consecutiva ao derrotar a un Rioaveso que empezou gañando cun gran gol de Esteban Gil e acabaría o encontro con tres xogadores expulsados. Palito marcou dous dos tres goles do equipo xermadino.

O Paradela mantén o seu pleno de vitorias que lle permite seguir como líder do grupo sur. Aínda cun partido menos, ten unha vantaxe de tres puntos sobre o Guntín logo de vencer a domicilio a un Quiroga no que destacaron Bolés e Gachan cun gol. Broni estreouse como goleador no Guntín cun dobrete. O equipo guntino colleu unha boa liña ao sumar o seu terceiro triunfo seguido diante do Relámpago Taboada. Na mesma situación de puntos e de xeira atópase o Río Sil que gañou tamén con claridade a domicilio no seu enfrontamento co Laxosa.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 550

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.