Nin goles nin puntos na Primeira galega

As cousas foron mellor na Segunda Galicia, cunha soa derrota dos nosos equipos

A pasada fin de semana non será precisamente recordada. Aos adiamentos dos partidos do PM Friol A e B e Antas, hai que engadirlle o feito de que non se conseguiu un só punto na Primeira Galega. De feito, nin un gol.

Luca´s Grill
Moreno´s Pizza

O Lugo foi o noso único representante nesta Primeira galega. E caeu pola mínima na súa visita ao Victoria B. As rapazas de Joaquín asinaron un dos peores partidos da temporada, con moitas imprecisións e dificultades no inicio de xogo. E crearon moi poucas ocasións. As locais aproveitaron un erro branquivermello para facer o único e definitivo gol pasada a hora de xogo.

Resultados da xornada:

Victoria B 1-0 Lugo

Milagrosa 9-1 San Roque

EF Lalín 1-2 Carballedo

Chantada 0-0 Santiso

Monte Forte 1-1 Bandeira

Un derbi sen historia e unha única derrota na segunda

A Milagrosa impuxo a lóxica no derbi capitalino e goleou a un San Roque que segue mellorando pouquiño a pouco. O 6-0 ao descanso propiciou unha segunda metade plácida que serviu para completar o póker de goles de Ainara, que esta vez lle quitou o papel de protagonista ofensivo a Leire. Aínda así, a pichichi branquivermella sumou dous goles máis á súa conta particular.

Pola súa parte, o Carballedo logrou un triunfo tan importante como traballado. As do Catro Ventos foron mellores en todo momento. Adiantáronse nunha primeira parte que perdonaron outras dúas ocasións moi claras e tiveron un gol anulado. Na reanudación, o único fallo en zona defensivo rematou no empate do EF Lalín. Aínda así, o Carballedo tirou de casta para levar os tres puntos no minuto 84 cun tanto de Ana Lamas.

O Chantada maniatou por completo ao líder

E o resto da xornada rematou en empates. O Monte Forte volveu aos terreos de xogo nun deses días nos que a superioridade queda nun segundo plano xa que o balón non quixo entrar. O Bandeira adiantouse nunha acción fortuita e Cheni salvou un punto no tramo final cun auténtico golazo.

Por último, o Chantada igualou na casa ante o líder. Un punto tan valioso como agridoce. As de Álex Cambeiro rexistraron un encontro moi completo e no que o potente Santiso non tirou a porta durante os noventa minutos. As do Sangoñedo desperdiciaron ata tres mans a man e o 0-0 non se moveu. A Comercial descansou esta xornada.

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 829

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.