Os sobranceiros da Terceira na segunda xornada da 2ª fase

 

O Incio xa é líder en solitario no grupo polo ascenso ao sumar a súa segunda vitoria, nunha xornada na que non se disputou o encontro entre o Fonsagrada e o Corgo por mor da espesa néboa que impedía a visibilidade no Gómez Besteiro. No trofeo Delegación, no grupo norte o filial do Friol é o primeiro clasificado nunha fin de semana na que descansou o Muimenta; pola súa banda, no grupo sur o Laxosa, que descansou nesta xornada, segue encabezando a clasificación. Unha vez máis, os sobranceiros levan premio.

Na fase polo ascenso, o Incio tomouse en serio o inicio e venceu ante un Catro Roldas que de pouco lle valeu o gran gol de Iván Amado dende o centro do campo a balón parado; nin tampouco a parada de Jairo nun lanzamento de penalti, xa que no rexeite acabaron marcando os locais. No Incio destacou o bo traballo de Torres e Urdi dentro dun gran nivel colectivo. Con catro puntos está a Comercial logo de vencer ao Goiriz cunha boa actuación do central Kevin. O equipo adestrado por Cora tamén fixo un gran partido e tivo en Eladio un dos seus homes máis destacados. No outro encontro, o Cervo resarciuse logo de perder o primeiro partido e venceu a domicilio ante o Sober con Adrián Álvarez sendo un dos protagonistas no terreo de xogo.

 

 

No trofeo Delegación de Lugo, no grupo norte, o Friol B é o líder ao sumar dúas vitorias despois de vencer ao Rábade cun gran partido de Casanova con dous goles. O primeiro equipo lidera na Segunda, o filial faino na Terceira e os veteráns na súa liga. Semana para recordar para o Friol CF. Segundo xa é o Celta Barreiros que xogou o seu primeiro encontro e fíxoo ao grande, vencendo ao Rioaveso con cinco goles todos eles marcados por Djibi. Destacaron tamén Simón, Guty e Damián xogando cunha defensa de tres. No outro encontro, Cazás e Celeiro empataron a dous goles despois de que os locais se adiantasen por dúas veces. O equipo adestrado por Martín Rodríguez tivo que cambiar o porteiro por lesión (xogada polémica na que o árbitro finalmente concedeu o gol para o Cazás) na primeira metade e xa non lles quedaron máis cambios. No Cazás, marcou o seu primeiro gol en partido oficial Carlos e o central Ángel fixo un gran encontro, mesmo salvando algún balón na raia de gol, complementando o bo traballo do porteiro Fernando.

No grupo sur, ninguén superou ao Laxosa que descansou e mantén o liderado. O Quiroga derrotou ao Río Sil e volveu ter como protagonista ao xuvenil Manduas que anotou un gran gol e fixo un bo partido, xunto co seu compañeiro Jose. O equipo visitante chegou moi mermado polas baixas e aínda por riba lesionaronse os dous centrais no partido. O Paradela tamén comezou con bo pé logo de remontar o tanto inicial do Guntín nun gran choque de Javi López que marcou o segundo e definitivo gol. No outro partido o Relámpago Taboada e o FC Becerreá empataron a un gol.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.