PM Friol, Lugo e Antas abren o telón esta fin de semana

Aquí a previa dos conxuntos de Segunda RFEF e Primeira Galicia

O fútbol feminino da provincia ponse en marcha. E farao coa estrea de ata tres equipos nesta mesma fin de semana. Son os casos do PM Friol na novidosa 2RFEF e o Lugo e o Antas na Primeira galega. Os conxuntos da Segunda Galicia, co debut do San Lázaro, comezarán nas vindeiras semanas.

Luca´s Grill
Moreno´s Pizza

O PM Friol inicia a súa andadura na recén creada 2RFEF cun equipo que mantén a columna vertebral da pasada campaña. Covi continúa no banco, Ali será a encargada dos goles e Nerea Chantada e Nere Lombardero poñerán o escaso acentro lucense. Xa que o club do eterno Geluco volveu apostar por fichaxes descoñecidas para o gran público da provincia, pescando máis alá dos marcos da comunidade. Unha fórmula arriscada pero efectiva na pasada campaña.

O obxectivo semella claro: manter a categoría e pasar os menores apuros posibles. E ao mesmo tempo, mellorar a cada unha das xogadoras individualmente. Por se fixera falla, o filial contará con novos mimbres. Especialmente, un feixe de xogadoras chegadas desde o Balaídos vigués. Algunha delas quizais ocupe o lugar de Anabel durante a maioría da campaña, xa que a dianteira malagueña foi operada satisfactoriamente do Aquiles nesta mesma semana.

Deportes Élide

Anabel mancouse de gravidade nesta pretempada

Pola súa parte, o CD Lugo segue co ascenso entre cella e cella. E agardan que á terceira vaia a vencida. Joaquín Blanco non se rende. O coñecido preparador atópase en plena reconstrución do equipo despois de sufrir baixas importantes como Fanny, Paula, Rebolo, Lucía ou a recén operada de ligamento cruzado Denise. Ana Seguín, Iyore, Marta e o regreso de Iria; ocuparán o importante baleiro que deixan as xa exfutbolistas albivermellas.

Non serán as únicas, xa que que o cadro de xogadoras aínda non está pechado. Agárdase algunha fichaxe máis, contando algunha posible rapaza a proba que puidera quedar no club. Joaquín considera que con estes novos mimbres, o equipo mellora en liñas xerais e se atopa en disposición de loitar pola única praza de ascenso existente.

Por último, falamos do gran milagre deste verán. O Antas sairá a competir despois dun mes coqueteando cunha posible desaparición. A permanencia é o único obxectivo para as do Castro Seoane, que a pouco máis de dous días do debut ligueiro atopábanse sen ficha algunha dada de alta na Real Federación Galega de fútbol nin adestrador confirmado. Porén, o empeño da vella garda e do pouco que quixo quedar nese vestiario, provocaron o mellor agasallo de Nadal en pleno mes de setembro.

Partidos da 1ª xornada (10-11 setembro)

Pradejón-PM Friol (S10, 18.00 horas)

CD Lugo-Victoria B (S10, 16.15 horas, A Cheda)

O Val-Antas (D11, 17.00 horas)

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 875

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.