Volve a Primeira co seu tradicional formato

A Primeira Galicia é unha das categorías que máis nos gusta. Esta fin de semana, o balón volverá rodar nos campos da provincia, con 18 equipos que competirán cada semana polos seus obxectivos. Regresa ademais o formato tradicional de competición, sen anomalías nin divisións en sub-grupos. Cada semana, cubriremos todo o acontecido neste Grupo 3 da Primeira na nosa sección fetiche: os Máxicos Luca’s Grill, onde os mellores de cada mes terán premio con unha hamburguesa gratuita.

Luca´s Grill
Moreno´s Pizza

Atlético Escairón: Montoto volve ao Saviñao co obxectivo de devolver ao Escairón ao Preferente. Incorporacións de renome, como a de Ivo, xogarán un papel fundamental na loita dos do Municipal.

Burela: a campaña pasada, os da Marosa sorprenderon co seu bo fútbol e a súa xuventude. Este ano, os xogadores xa contan coa adaptación necesaria ao fútbol sénior e o equipo está chamado a facer grandes cousas.

Deportes Élide

Castro: logo de firmar un gran ano, os do Arturo Pereiro reforzaron as súas liñas cun obxectivo claro: o ascenso. Porén, saben do difícil da empresa. Os xogadores do filial volverán ter moito peso no primeiro equipo.

Foz: outro recén descendido que loitará por volver. O Martínez Otero vibrará cada fin de semana co cadro de Gayol, que conta con pezas suficientes para competir contra calquera.

San Ciprián: logo de varios anos intentándoo, o Sanci volveu á Primeira. O obxectivo agora é consolidarse na categoría, para o que mantén a maioria dos futbolistas e ao adestrador, Jaime.

Plan competicional da Primeira Galicia.

Santaballés: a chegada de Vitín e a renovación de moitos dos futbolistas que o ano pasado competiron na Preferente auguran un gran ano. Agardan competir ben e conseguir bos resultados a base de traballo.

Riotorto: despois dun bon ano, Teipa colle as manixas do club para competir en todos os campos e non renunciar a nada. Fichaxes como as de Nico ou Iago Alonso darán un plus ao equipo.

Chantada Atlético: o club está a facer as cousas moi ben. Fernando Corredoira pechou o ano pasado na fase de ascenso, e procurará instalarse na zona nobre da categoría nesta 22/23, sen mirar de lonxe o ascenso.

Lourenzá: o Atleti apenas pasou apuros o ano pasado. Cun equipo conformado por futbolistas da contorna, visitar o Santa Cruz é un trago que poucos equipos queren pasar. Consolidarse na categoría, e medrar a partir de aí.

Antas: a gran recta final de campaña na 21/22 subiu ao Antas á Primeira. A renovación de pezas como Diéguez ou Melendo será chave para manter aos do Castro Seoane na Primeira Galicia nun ano que se prevé moi esixente.

SD Chantada: Traste deixa o centro da defensa para vestirse de adestrador. O club está traballando moi ben, cunha gran filosofía de base. Procurarán quedar o máis arriba posible e curtir aos rapaces da vila no fútbol sénior.

Monterroso: buscarán completar unha campaña máis regular que a pasada. O seu mérito, conformar un cadro de garantías con xente da comarca. Cerdeiriños volverá vibrar cos seus.

Outeiro de Rei: o campión de copa firmou unha pretemporada ilusionante. Porén, os obxectivos son claros: consolidarse na Primeira como un dos equipos máis sólidos e que mellor xogo despregan.

Pol: quedaron coa mel nos beizos o ano pasado, pero volverán intentalo. A presunta chegada in extremis de Gerardo Carrera aportará moito olfato goleador ao equipo.

Un lance dun Outeiro-SD Chantada.

Sporting Pontenova: a chegada de Moro ao banco aportará experiencia e bo facer. O cadro da Mina non ten outro obxectivo que a permanencia, axudados por xente da contorna e por rapaces con moito futuro.

Taboada: outro meritorio proxecto con xente da casa, que da todo polas cores. A súa entregada afección será envidiada por toda a provincia, mentres que os futbolistas darán todo no campo para non pasar apuros un ano máis.

Pastoricense: o cadro dirixido por Javi Chinchón realizou varias fichaxes coas que agarda manter a categoría con menos apuro que o ano pasado. Son o equipo que máis campañas consecutivas leva na Primeira, 12.

Xove Lago: Anxo chega aos bancos do Municipal para evitar agonías como a do curso pasado. O cadro de xogadores semella de garantías suficientes como para eludir o descenso.

Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 535

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.