Residencia vs Ribadeo, 2021

Pleno de inscricións dos equipos lucenses de Preferente e Primeira Autónomica

A Federación Galega de Fútbol anunciou o pasado sábado, unha vez pechado o plazo, os equipos inscritos nas competicións de ámbito autonómico: Preferente e Primeira Autonómica. Quedan pendentes as inscripcións na Segunda e Terceira Autonómica, competicións que comezarán previsiblemente máis tarde.

Luca´s Grill
Moreno´s Pizza

Como era previsible, agás que puidera haber algunha sorpresa de última hora, a participación será masiva e os nosos representantes inscribíronse na súa totalidade. Tan só o Viana, conxunto ourensán de Primeira Autonómica non formalizou o seu rexistro e non competirá a vindeira temporada.

Na Preferente Norte contaremos coa participación de 25 equipos, dos cales sete serán lucenses: Atlético Escairón, C.D. Foz, Club Lemos, Ribadeo F.C., S.D.C. Residencia, S.D. Santaballés e S.D. Sarriana.

Deportes Élide

Agás o Escairón, que rexeitou a súa participación, o resto dos equipos participaron da competición exprés organizada pola Futgal, sendo a Sarriana o equipo que estivo máis preto de acadar o ascenso a Terceira, gozando de posibilidades ata a derradeira xornada.

Ademáis dos sete equipos da nosa provincia, a competición conta con outros dezaoito conxuntos, todos eles da provincia da Coruña (Victoria, Betanzos, San Tirso, Montañeros, Arteixo, Laracha, Paiosaco, As Pontes, Mugardos, Dubra, Sigüeiro, O Pino, Fisterra, Xallas, Boiro, Puebla, Estudiantil e Boimorto).

No grupo lucense da Primeira Autonómica inscribíronse un total de 20 equipos. Ningún deles compite desde a paralización das competicións en marzo de 2020 por mor da pandemia da Covid-19, ao rexeitar de xeito masivo a súa participación na última temporada.

Os conxuntos que participarán son: Pol, Chantada, Monterroso, Riotorto, Outeiro de Rei, Burela, Guntín, Taboada, Xove Lago, Chantada Atlético, Folgueiro, Castro, Pastoricense, San Roque, Friol, Lourenzá, Alfoz, Sporting Pontenova, San Lázaro e Portomarín.

Polo momento non se deu a coñecer o formato de competición de xeito oficial, aínda que todo apunta a que tanto o grupo norte da Preferente como o grupo lucense de Primeira Autonómica se dividirán en dous subgrupos que contarían cun sistema de competición semellante ao da Terceira División da última temporada.

Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 499

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.