Álex Ortiz: «Pase o que pase estaremos contentos polo camiño feito»

O adestrador do CD Lugo B pasou polo Ser Deportivos da man de Futbolinlugo antes da última xornada na que poden ascender á Segunda RFEF

O vindeiro domingo será un día chave para o futuro futbolístico da provincia. Ademais da pelexa do Racing Villalbés por entrar en play off no Couto, hai derbi lucense. O Polvorín medirase en Pol ao Viveiro na derradeira xornada da Terceira RFEF. O filial albivermello ascenderá á Segunda RFEF se supera aos mariñáns que, pola sua banda, queren certificar a permanencia na categoría un ano máis.

Luca´s Grill
Moreno´s Pizza

Este martes, o noso compañero Diego Díaz, xunto a Sara Meijide, conversou en Ser Deportivos co adestrador do Polvorín, Álex Ortiz, para saber como se afronta o choque desde dentro do vestiario lucense.

O preparador andaluz sinalou de entrada que «o equipo ten moitas ganas, pero está tranquilo dentro da situación. Afrontamos a semana coa maior normalidade posible, sen saír das rutinas habituais«

Deportes Élide

O adestrador recoñece que os últimos días foron un cruce de emocións: «Pasamos de depender de nós mesmos a non facelo ao empatar no derbi; para finalmente volver depender do que fagamos na última xornada. Todo isto lévanos máis ca nunca a ir ao día a día«, remarca Ortiz.

Álex Ortiz séntase no banco do filial por segundo ano consecutivo. Logo de realizar un bo curso, tanto no verán como no inverno o cadro de xogadores sufriu baixas. «Os cambios sempre xeran dúbidas. Pero dende a dirección do club e dende o corpo téncico entendemos os movementos e estivemos tranquilos porque na base do equipo hai futbolistas moi interesantes«, comentou ao respecto o preparador.

O míster explicou con claridade a súa filosofía de traballo: «O obxectivo principal é formar xogadores. Loitar por un ascenso pode ser a consecuencia do que fomos facendo ao longo da tempada: intentar non perder o foco da formación e estar a disposición do primeiro equipo. Con ese crecemento e tamén cunha pouca de sorte, que sempre fai falta, competimos ante grandes rivais. Fomos moi regulares; co obxectivo da formación foi intrínseca a competitividade«

Álex Ortiz quixo remarcar o bo papel dos diversos conxuntos do CD Lugo, dende o primeiro equipo ata a base: «A nivel de club creo que é unha temporada para estar orgullosos, independentemente de se conseguimos o ascenso ou non. Logramos os obxectivos que nos marcaramos nun principio. Se subimos, será un éxito rotundo, pero se non o facemos seguiremos igualmente contentos polo camiño percorrido«, concluíu o técnico malacitano.

Podedes escoitar a entrevista completa na seguinte ligazón, a partir do minuto 33′ 20»: https://cadenaser.com/audio/1650377500618/

Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 523

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.