Así chegan os nosos equipos á fase de ascenso a Primeira

Declaracións dos adestradores implicados acompañadas dos partidos adiados de #AsNosasGuerreiras

Este próximo domingo empeza a fase de ascenso a Primeira Galicia para os nosos tres representantes, cos seguintes rivais e horarios:

Luca´s Grill
Moreno´s Pizza

Chantada-Umia B (12.00 horas, O Sangoñedo).

Amistade Meirás-Milagrosa (19.00 horas, Santa Mariña do Monte).

Deportes Élide

Bueu-Monte Forte (19.00 horas, Nuevo Municipal de Bueu).

Desde esta casa quixemos falar cos adestradores implicados, recibindo a amable resposta de Álex Cambeiro (Chantada) e Manuel de la Horta (Monte Forte).

Álex Cambeiro: «É un partido especial e os resultados anteriores non serven de nada».

O equipo: «Chegamos nun bo momento en canto a resultados. Na segunda volta só concedemos un empate na primeira xornada contra o Santiso e o resto fomos capaces de lograr todo vitorias, aínda que non foi suficiente para acadar o primeiro posto».

Álex Cambeiro, técnico do Chantada

A dinámica: «Pódenos dar seguridade e confianza para seguir confiando no noso estilo de xogo. Pero estaríamos enganadas e moito, se estas dinámicas serven de algo nunha fase de ascenso, xa que son partidos especiais no que os resultados anteriores non serven de nada».

Aspectos a mellorar: «Gústanos ter a posesión, levar a iniciativa no xogo e a partir de aí, dominar ao equipo rival. Nos últimos tempos, non temos esa fluidez que mostramos no inicio da segunda volta, tanto con balón como sen él e neso estamos a traballar».

O rival: «Complicado. O Umia B, ten o equipo A dúas categorias por encima nosa, con xogadoras que alternaron ambos equipos. Fan gol con facilidade como mostran os 109 goles que marcaron en Liga e as cifras goleadoras de varias xogadoras con 14-15 tantos, sendo ademais un equipo que encaixa pouco (15 goles)».

O partido: «Prevexo un partido moi disputado e intenso, cun ritmo de xogo alto, na que algunhas das claves do encontro poden pasar por ser capaces de ter a posesión de balón e dominar ao Umia B, superar-igualar o seu ritmo de xogo e ser capaces de recuperar rápido o balón. Contamos con toda a forza da nosa afección do Sangoñedo».

Manuel de la Horta: «Imos desfrutar e a por todas ata o final».

O equipo: «Chegamos con moita motivación e con gañas de desfrutar o que vén».

Manuel de la Horta, adestrador do Monte Forte

O rival: «Teñen moi boas estatísticas de goles a favor. Só as coñezo por estatísticas pero parecen moi boas, un equipo moi equilibrado tanto en defensa como en ataque. Vainos custar facerlles dano».

A clave: «Penso que a clave estará na defensa. Se temos unha defensa sólida, conseguiremos anular ao rival en ataque e poderemos usar as nosas armas. Temos boas xogadoras en ataque. Confío no meu equipo e iremos a por todas ata o final».

Un punto máis para o Lugo na fase de ascenso

O pasado Xoves Santo o Lugo recuperou o seu partido adiado ante o Bergantiños (1-1). Un encontro no que as de Carballo aproveitaron a mala primeira metade lucense para marchar 0-1 ao descanso. Na reanudación, as rapazas de Joaquín mostraron unha versión completamente distinta e marcaron nada máis iniciarse a segunda metade. No entanto, non foron quen de concretar máis ocasións das varias claras que tiveron. Destacaron Lucía, un auténtico comodín ‘multifunción’ e Paula, moi incisiva no ataque albivermello.

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.