Palabra de… ‘Guaje’ Iago: «O vestiario»

No mundo do fútbol existen numerosas claves que poden marcar o porvir dunha boa ou dunha mala tempada. Unha delas e o vestiario. Sí, ese sitio que nuns campos pode chegar a ser catro táboas mal postas, e noutras parece a suit dun hotel de 5 estrelas. Este habitáculo pode ter un papel determinante en que unha persoa perda o seu traballo (adestrador), en que os xogadores acudan asiduamente os adestramentos, en que se gañen partidos, incluso nas conversas, de bar, e máis se falamos dos equipos máis modestos.

A pesar da miña curta idade, e se a memoria non me falla, pasei por seis equipos diferentes dende que xa hai case dezasete anos que comecei a practicar este deporte. Isto non quere dicir que pasara so por seis vestiarios diferentes, senón que pasei exactamente por dezasete. Vivín tempadas boas e malas, pero o papel do vestiario sempre foi crucial. Nunha rolda de prensa a Pep Guardiola (que moitos dirán que disto do fútbol ten pouca idea) dicía que no seu Manchester City a preparación física non tiña sentido, que a cabeza e a predisposición a gañar o partido de cada xogador, era o que marcaba as diferenzas no terreo de xogo, e non podo estar mais dacordo con el, tendo claras as diferenzas do fútbol de rendemento e o fútbol afeccionado claro está.

Podemos falar de motivación, iso que no meu paso polo INEF tan poucas veces se falou, e só na materia de psicoloxía tivo un punto fundamental. Pero esta motivación ten un punto de apoio claro no vestiario. Se no vestiario non estas agusto, non vas contento adestrar e polo tanto vai pasar factura, e volvemos o comezo. Os obxectivos da tempada non se cumpren, e o máis sinxelo neste mundo é largar ao adestrador, e comezar de novo, igual cuns obxectivos menores, pero que se acadan de sobra, e todo o mundo “contento”.

O papel dun bo adestrador, será tamén a de motivador, e todo o corpo técnico debería preocuparse destas “catro táboas”, chamadas vestiario e exercer ese papel de motivador, atendendo as individualidades de cada xogador e do equipo en xeral, porque ao final o que de verdade importa é ir polos campos a pasalo ben e desfrutar deste deporte, cousa que sen un bo vestiario é moi complicado.

O vestiario, esas 4 táboas que non nos poden separar da felicidade.

 

‘Guaje’ Iago Vázquez Quintela. Xogador e adestrador das categorías inferiores da SD Monterroso.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 875

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.