Palabra de Diego López: «Sigo enchochado de ti»

O confundador de Siguetuliga.com explícanos a dulce conxunción entre traballo e paixón

O fútbol. Teño 33 anos e, sen dúbida, o fútbol é unha das constantes na miña vida dende que teño uso de razón. Iso si, canta máis terra e menos cámaras, mellor, porque aí é onde está o que a min me engancha.

Diego López (dereita), cos seus compañeiros

Nacín en Lugo e dende pequeno sempre me gustou xogar. O mesmo daba o patio do colexio que os equipos federados, o caso era dar algunha que outra patada (case sempre ó balón, que conste). Participei en tódalas categorías rexionais e aprendín que, en esencia, todos os clubes eran iguais. As mesmas motivacións, as mesmas razóns de ser e tamén, por suposto, os mesmos problemas.

Así naceu no ano 2009 a primeira (e primaria) versión de Siguetuliga.com. Por aquel entón había un problema fundamental de falla de información no fútbol base e afeccionado de Galicia. Axudamos a solucionalo, cunha ferramenta que pronto contou co respaldo de centos de milleiros de amantes deste deporte, que se xuntaron para compartir a súa información.

Agora, sen poder sacar o fútbol (o rexional, o de verdade) da cabeza, continuamos profundizando nos problemas dos clubs. Todos teñen dificultades para cobrar as cotas de socios, xa por non falar de conseguir algúns novos. Igual, ou peor, se pon o tema para os que teñen rapaces (xestión de altas, de pago de cotas, de comunicación cos pais…). Ademais, se un mal común atinxe a todo o fútbol rexional é a falla de ingresos. Pois nesas andamos…

Xa contamos con máis de 200 clubs que se benefician das nosas ferramentas que permiten aos socios/pais pagar ou darse de alta directamente desde o seu móbil. Conseguir cartos das visitas que o club xa está a ter en Siguetuliga e moitas máis vantaxes coas que non vos vou aburrir agora (pero son a hostia!). Como vedes, non consigo despegarme do fútbol (do bo) nin por un momento. Nin falla que fai.

Diego López Fernández. Un dos creadores de siguetuliga.com, referencia na xestión de competicións e equipos amateurs

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 873

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.