A primeira recopilación de movementos no mercado na transición da 2018/2019 á 2019/2020 (que cando nos queiramos dar conta, estará case acabada como a que estamos deixando atrás nestas datas) ven moi cargada, con renovacións, altas e baixas en todas as categorías con representación lucense.

Comezamos, polo tanto, falando da Terceira División. Nela, o Racing Villalbés renovou a Simón Lamas, o técnico da casa que convertiu ao Racing nun dos mellores equipos da segunda volta e os afastou da zona de descenso. Da casa tamén son os xogadores que anunciaron a súa renovación, os tres capitáns López, Make e Vérez.

Por outra banda, o Club Lemos xa prepara a súa volta á Preferente Norte, e faino confiando nunha gran parte do cadro de xogadores que acadou o ascenso:o Armesto, Arturo, Brais Meco, Denís, Miguel, Hugo, Iván, Borja Castro, Sergio Guitián, Ivo, Adrián Castañer, Roberto Varela, Gonzalo Torres, Dafonte e o adestrador Edu Rodríguez xa confirmaron a súa renovación! En canto á Primeira Galicia, Labrada deixará de dirixir ao Riotorto na próxima campaña.

Na Segunda Galicia, o Celta Barreiros buscará manter a categoría tra-lo ascenso, e tamén tirará dos xogadores que conseguiron tal éxito. De momento, están confirmadas as renovacións de Damián, Conguito, Jose Miguel, Pico, Ferro, Hugui, Xián, Jorge, Insúa, e o corpo técnico -integrado por Fran e Couto-. Un dos capitáns, Álvaro Alonso, porén, deixa o equipo por motivos laborais. O Mondoñedo sufrirá a baixa de Ros tras catorce temporadas, ao verse moi mermado polas lesións.

Outro equipo recén ascendido, o CD Alfoz, renovou á maior parte dos xogadores, agás Bellamy Sousa, Raposo e o adestrador Casal.

Tamén renovou adestrador do Incio Terra Brava, Pedro Castro «Monarca», mentres que o Cospeito non contará máis cos servicios de José Carlos Fernández, e Bonxe toma o relevo de Óscar Pol no banquiño do Abadín. Na Terceira Galicia, finalmente, Martín Rodríguez seguirá á fronte do Celeiro Club del Mar.

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 525

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.