Palabra de… David Díaz ‘Chumi’: «Un segundo»

Un segundo, o que pode cambiar a vida nesa pequena fracción de tempo. Que llo digan a Iniesta. Imaxinádesvos que tardara un segundo máis en golpear o balón aquel 2010 en Johannesburgo? Pois si, ese segundo significou un Mundial! Pero non sempre ese segundo trae consecuencias positivas.

O partido da lesión. David, o primeiro na fila superior á esquerda. SD CHANTADA

O Sangoñedo. 3 de decembro do 2017. SD Chantada – SD Monterroso. O árbitro asubía falta a favor dos locais, dispóñome a colocar a barreira e tras iso, ocupo o meu pau. Escoitase o son do chiflo e Anxo golpea o balón. O balón supera a barreira e de súpeto, Pum! Aí está! Ese segundo! Gol. Ese segundo que cambiaría o encontro para os chantadinos. Pero para min non ía cambiar só o partido.

Érgome do chan, algo vai mal. Penso que pode ser unha escordadura e continúo no campo. Pero decátome que non é así, que ese segundo fóra máis importante. A partir de ese intre, daste de conta de todo o que vas botar de menos os próximos meses: eses nervos previos ós partidos todos os domingos, esas paradas que poden salvar 3 puntos, o desexo de que remate ese maldito tempo de desconto cando vas gañando 1-0… Ese segundo, ese segundo xa cambiou a miña vida. Tras pasar polo taller, toca cambiar o balón e a portería pola magnetoterapia e polos ultrasons.

E outra vez, volve aparecer ese maldito segundo. Toca revisión coa traumatóloga. Xa levas todas as preguntas pensadas, todas relacionadas coa condenada pelotita. E chega o momento e tras a revisión pertinente, realizas a pregunta: “Doctora, cando podo volver xogar?” E aí está outra vez! Ese segundo! Ese segundo que ela tarda en responder, e que vai cambiar a túa vida outra vez.

Chumi confía en estar listo nos próximos meses co Monterroso. Logo, no verán, xa vén a época de Maratóns con Electricidad Félix

Mais todo este tempo de recuperación dáche moito tempo para reflexionar, e decátaste de que non botas de menos eses partidos nos que queres lograr a victoria a toda costa. O que realmente botas en falta son os pequenos detalles, esa sensación de tirar un cano nun rondo, de vacilar os compañeiros no vestiario, ou esas viaxes de hora e media de camiño para darlle dúas patadas ó balón, ou no meu caso, de parar un dos cinco disparos que vaian por portería.

Pero unha cousa aprendín neste tempo, ese segundo (ese maldito segundo!) non é capaz de quitarche o fútbol de dentro de ti. Porque se agora mesmo me concedesen un desexo, sería estar baixo os paus, no minuto 90, gañando 1-0 e cos nervos de querer conseguir os 3 puntos. Sen embargo, algo cambiou ese segundo en min, porque se me concedesen un segundo desexo, teríao moi claro: “Que ese tempo de desconto non acabe nunca!”.

 

David Díaz ‘Chumi’, gardamallas do Monterroso.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.