Os sobranceiros na 2ª xornada da Terceira

Catro equipos comezaron sumando seis de seis na Terceira Rexional. Muimenta e Milagrosa no grupo norte e Paradela e Quiroga no sur. Non obstante, algúns non o puideron facer porque aínda non xogaron dous encontros. O Taboada B xogou o seu primeiro partido oficial a pasada fin de semana con vitoria; mentras que o Castroverde, que gañara na primeira xornada, descansou; ao igual ca o Rubián que perdera na xornada inaugural.

No grupo norte, o Muimenta encabeza a clasificación por diferenza de goles logo de derrotar pola mínima ao Catro Roldas. Un encontro no que Diego e Miguel Morán tiveron que actuar de centrais e no que Xulio destacou na parte ofensiva. Pola súa banda, o cadro de Román acudiu a cita sen porteiros especifícos; Forlín tivo que poñerse baixo paus. A Milagrosa colidera o grupo despois de gañar por un resultado axustado ao Lugo Unión. Púxose dous cero pero viu como o cadro adestrado por Óscar Jaime empataba con dous bos goles de Cristian e Yeray. Nos últimos instantes Óscar deulle a vitoria ao cadro local.

Celta Barreiros e Fonsagrada demostraron o porqué son os dous únicos equipos que aínda non encaixaron e finalizaron o seu duelo cun empate sen goles que os mantén na parte alta. En postos de play-off entrou o Rioaveso ao conseguir a primeira vitoria ante o Celeiro nun duelo marcado polo gol de Fran Fernández e actuación de Lingas nos locais; e de Dani Liz, Mora e Luis Rego nos visitantes. Tamén sumou os tres primeiros puntos o Matela que remontou o tanto inicial do Alfoz a domicilio, en parte, polo papel destacado do central Manu e do mediocentro Kevin. No conxunto local, non chegou o bo papel feito no encontro por Dani Río, Valea ou Manuel. Este encontro foi o último de Paquito ao fronte do cadro sénior, aínda que seguirá botando unha man no club e ao novo adestrador. Casal faise cargo dun equipo do que xa foi tamén xogador. Por outro lado, inauguraron a súa puntuación cun empate o Cazás e Friol B; o cadro xermadino empatou o encontro na segunda metade cun gol de Bruno que acabou expulsado ao igual ca un xogador rival.

No grupo sur, o Paradela é o líder por maior bagaxe positiva no diferencial de goles. O cadro adestrado por Rubén Bergantiños venceu a un Sober que xogaba o seu primeiro partido desta tempada. O partido quedou resolto xa na primeira metade con goles de Termi, Romi e Manu que se estreou, ademais o mediocentro Javi no equilibrio do xogo. Segundo é o Quiroga que estreou videomarcador con vitoria ante o filial do Lemos. Gachán con dous goles e Dani Gemelo foron do máis sobranceiro do encontro.

Tamén comezou forte o filial do Taboada na súa estrea. Colócase terceiro logo de remontar e acabar gañando con autoridade ante un Antas que sumou a súa segunda derrota. O gardamallas xuvenil Álex, David Potente e Quintás foron do máis destacado no cadro local. En postos de promoción tamén entra o Río Sil co seu primeiro triunfo da campaña sufrido ante o Relámpago Taboada.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.