Os sobranceiros da Terceira na derradeira xornada da fase regular

A última xornada estivo chea de emoción polo tres postos importantes que había en xogo na Terceira. Finalmente, Comercial e Cervo acompañan o Corgo (que finalizou campión), o Goiriz e o Incio á Segunda Rexional. Por outro lado é o Guntín quen vai xogar a final polo ascenso fronte ao Muimenta. Unha xornada que deixou os últimos sobranceiros da fase regular.

Na fase polo ascenso, a Comercial cumpriu co seu e non se deu a si mesma a oportunidade de sufrir xa que sentenciou moi rápido o encontro ante o Catro Roldas. Unha vez máis, comandados por Pacín que ademais marcou dous dos sete goles do seu equipo. O gran beneficiado da xornada foi o Cervo que sabía que dependía doutros resultados pero fixo o seu vencendo a un Goiriz que pelexaba polo campionato. O bo partido de Adrián e o gol de Samuelito foron definit¡vos nun partido no que o cadro visitante marchou indignado coa actuación arbitral. O cadro da Mariña aproveitou o empate do Sober que perdeu a súa praza de ascenso co campión, o Corgo nun gran partido do seu gardamallas, Manu e un gran gol de Debasa. A sorpresa estivo no partido intranscendete da xornada xa que o Fonsagrada non se presentou para xogar diante do Incio cun aviso de só tres horas previas segundo a directiva do Incio.

No Trofeo Delegación Lugo, o Guntín tampouco fallou na súa cita e erixiuse como campión do grupo sur para pelexar nesa final a dobre partido co Muimenta por un posto o vindeiro ano na Segunda. Bronny, Moreno e Rodri foron do máis sobranceiro no cadro local que superou con claridade ao Relámpago Taboada. Ás portas quedou o Paradela aínda que non foi quen de superar no último partido ao Quiroga. O Río Sil derrotou ao Laxosa nun choque que serviu para que Canteiro empatara como máximo goleador da categoría xunto con Bronny. O FC Becerreá descansou na derradeira xornada.

No grupo norte, o campión Muimenta caeu ante o Friol B que finalizou en segunda posición no seu primeiro ano de vida. Casanova (máximo goleador do grupo) e Isaac volveron destacar diante dun conxunto chairego que prepara xa esa final a dobre partido polo ascenso. Terceiro finaliza o Celta Barreiros logo de vencer a domicilio ao Rábade. Tamén acadou a vitoria como visitante o Cazás ante o Rioaveso, para acaba cuarto nun gran encontro de Cao. O Celeiro librou na última xornada e non volverá xogar ata a fin de semana do 13 de maio cando dará inicio a Copa.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 548

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.