Os sobranceiros da Terceira na décimo terceira xornada da 2ª fase

A penúltima xornada na Terceira Galicia deixou só a tres candidatos para dúas prazas de ascenso, logo de que o Catro Roldas e o Fonsagrada perderan as súas opcións. A emoción tamén está moi viva no grupo sur do Trofeo Delegación Lugo no que o Guntín mantén un punto de marxe sobre o Paradela de cara a última xornada.

Na fase polo ascenso, a Comercial foi o equipo máis beneficiado da xornada ao vencer pola mínima ao Incio. Nun gran encontro de Pacín, o cadro suma dous puntos máis ca o Cervo. Tamén foi unha boa xornada para o Sober, a pesar de igualar ante o Catro Roldas. Con este resultado o conxunto soberino mantén a súa posición de ascenso (un punto máis ca o Cervo) e eliminaron como rival aos de Román. Fóra deses postos atópase o Cervo despois de perder por 2-1 na súa visita á Fonsagrada. Os xogadores adestrados por Iván Pernas dependerán doutros resultados e do seu partido diante do Goiriz. O equipo adestrado por Cora colocouse na cabeza da categoría logo de derrotar ao Corgo. Diego Barro arranxou o seu erro no gol visitante con dúas boas paradas nos minutos finais, mentras que anteriormente Eladio marcou un dos goles da xornada cunha volea de 30 metros cando estaba pegado á banda. Ambos equipos son os únicos candidatos posibles para facerse co título de campión.

 

No Trofeo Delegación Lugo mantense a pelexa polo primeiro posto no grupo sur. Guntín e Paradela queren ser os rivais do Muimenta na final a dobre partido que dará acceso ao gañador á Segunda Galicia. O Guntín lidera o grupo cun punto de vantaxe sobre o Paradela despois de vencer con claridade ó Laxosa. Rodrigo abriu un marcador que pecharía Bronny cun gran gol. O Paradela tamén cumpriu na súa visita ao Relámpago cun gran encontro de Edrada que realizou tres pases de gol. No encontro sen nada en xogo, o Río Sil venceu ao FC Becerreá nun partido que deixou outra boa acción de Lobios nun dos goles. Nesta xornada descansou o Quiroga.

No grupo norte, o Muimenta segue vencendo para non perder a costume de cara a esa final. Derrotou con claridade ao Rioaveso. Tamén venceu con diferenza o Cazás ante o Celta Barreiros, en parte, grazas a entrada dos irmáns Rey Pena que revolucionaron o encontro. Bruno marcou o seu primeiro gol da temporada nun disparo que entrou pola escadra logo de esquivar a dous rivais. No conxunto da Mariña foi destituído o adestrador José Luis «Moñi». No outro partido do grupo, o Friol B venceu ao Celeiro nun encontro no que ambos clubes amosaron a súa solidariedade. O Rábade descansou a pasada fin de semana.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 550

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.