Os máis pequenos tamén apuran a temporada

Chega a fin do mes de abril, chegan os momentos decisivos das distintas ligas de fútbol «amateur», os nervios e as alegrías, pero tamén se está achegando a fin da campaña 2017/2018 no fútbol base.

As competicións nestas idades son, se cadra, máis emocionantes polo feito de que a maioría dos rapaces pasan de categoría, rematan a súa etapa na base, ou cambian de división dentro de cada categoría.

Hoxe, Futbolinlugo quere falar daqueles nenos e nenas que máis disfrutan do fútbol, os alevíns, os benxamíns e os prebenxamíns, xa que tan só restan unhas poucas xornadas para coñecer aos campións dos diferentes provinciais e previas!!!!

Comezamos polos máis pequenos, os prebenxamíns. Nesta categoría, o Porto Burela, CD Lugo e Milagrosa están a disputarse o título provincial a falta de tres xornadas, mentres que a Piringalla domina nas previas de copa, con dous equipos líderes en cadansúa liga.  A outra previa está dominada polo Polvorín, seguido de preto polo María Auxiliadora «C».

Nos benxamíns, todo indica que Porto Burela, CD Lugo e Residencia loitarán polo campeonato provincial, xa que a falta de tres encontros estes tres equipos están tan só separados por un punto. Nas distintas fases previas, os líderes son o Polvorín, o Xove Lago, a Piringalla (que se pode observar que está a realizar un gran proxecto), o Palas, o CP Lucense e Atlético Abuín!

Nos alevíns é, quizais, onde a competición se torna máis emotiva, debido a que moitos dos rapaces e rapazas están a disputar o seu último ano en Fútbol-8. Na fase provincial, o CD Lugo é o favorito para alzarse co tíduo, xa que avantaxa en seis puntos á Residencia a falta da disputa de tres encontros.

As seis previas nesta categoría están lideradas, respectivamente, por Racing Villalbés, Castro, Sporting Pontenova, María Auxiliadora «B», Franciscanos e Viveiro «B».

Porén, como sempre dicimos ao falar de nenos e nenas de tan curta idade, o máis importante non son os resultados, senón a súa aprendizaxe, tanto humana como futbolística, e que desfruten xogando!!

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 523

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.