Os sobranceiros da Terceira na décima xornada

O Cervo, o Corgo e o Incio manteñen o liderado na Terceira, a pesar de que o conxunto da Mariña non gañou e os outros dous non xogaron xa que lles tocou descansar nesta xornada. O Catro Roldas achégase o primeiro posto no grupo norte e o Sober faino no grupo sur.

Un dos duelos da xornada estaba entre o Cervo e o Goiriz, no que despois dunha primeira parte con dominio alterno, os goles chegaron nos últimos minutos. Cando o Cervo tiña o triunfo na man, grazas a gran actuación de Miguel Gomes, un erro defensivo costoulles a igualada do Goiriz e impediulles deixar case sentenciada a súa participación na fase polo ascenso. Un Cervo que se reforza de cara a esta recta final, incorpora a Edi (que estaba sen equipo e levaba varias semanas adestrando co equipo dirixido por Iván Pernas) e a «Samueliño» procedente do San Ciprián da Primeira Galicia. O Catro Roldas achégase na clasificación despois de golear a un Celta Barreiros mermado polas baixas e pola expulsión de Lima na primeira metade. No conxunto de Román houbo un protagonista claro, Esteban Boo. O dianteiro de Árbol anotou cinco goles. Quen perdou a oportunidade de achegarse ao terceiro posto foi o Muimenta que perdeu ante o Rioaveso Machinango que gañou os tres partidos da segunda volta. Tamén chegou a primeira vitoria do Cazás, que derrotou pola mínima a un Celeiro ao que non lle están saíndo as cousas como quere nesta temporada.

No grupo centro, o Fonsagrada desaproveitou a xornada de descanso do Corgo para achegarse ao lideratao e non pasou do empate ante a Comercial que mantén o terceiro posto, pero xa empatado a puntos co Rábade. O equipo debutante esta temporada sumou a súa segunda vitoria consecutiva diante do Friol B cun gol de Jhonny e apunta a súa candidatura para loitar por estar na fase polo ascenso. Ao igual que o Guntín que tamén está empatado a puntos ca Comercial e co Rábade, logo de golear ao Laxosa con protagonismo para Saad que anotou tres goles. 

No grupo sur, o Sober achégase ao primeiro posto logo de vencer pola mínima a domicilio ao Relámpago Taboada, aínda que terá que descansar en dúas xornadas. O conxunto local non estivo acertado local de cara a gol, algo que se viu reflectio no resultado final. Tamén venceu o Río Sil que segue na terceira posición despois de golear ao Becerreá FC no que Matamá foi o gran protagonista con tres goles. O Paradela restoulle opcións ao Quiroga de loitar polos primeiros postos ao derrotalo por 3-1.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.