Os sobranceiros da Terceira na 6ª xornada

A Terceira Rexional volveu de novo á competición despois do segundo parón case consecutivo e como curiosidade, o Quiroga regresou á cabeza da clasificación sen xogar esta xornada, debido a derrota do Paradela. No zona norte, o Muimenta continúa mandando no liderado pero co Celta Barreiros e co Fonsagrada moi de preto. Nunha fin de semana na que tamén prolongou o seu período sen partidos o Río Sil.

No grupo norte, o Muimenta estreou nova equipación e continúa como líder ao remontar o seu partido ante un Lugo Unión que volveu deixar unha boa imaxe pero non foi quen de trasladala ao resultado. Diego na defensa e Hugo e Fer no ataque foron os destacados do cadro celeste. Séguelle en postos de ascenso directo o Celta Barreiros que venceu con claridade ao Friol B nun choque no que luciu Álvaro con dous goles; un a balón parado e outro de vaselina dende fóra da área despois dunha carreira na que se anticipou aos rivais. Tamén se estreou como goleador a última fichaxe, o dianteiro Xian. Empatado a puntos co cadro da Mariña atópase a Fonsagrada que volveu ao camiño da vitoria nun encontro con alternativas ante un Catro Roldas que non puido sumar a terceira consecutiva. Javi Freijo foi o xogador máis diferencial nos locais. Forlín tivo que volver poñerse baixo paus nos visitantes pola falta de porteiros e Mario foi o máis sobranceiro dos seus.

Tamén mantivo a boa dinámica o Matela diante do Celeiro. Maikel, con tres goles, e Xurxo guiaron ao conxunto de Outeiro. Cos mesmos puntos están o Alfoz, o equipo máis en forma do grupo ao sumar o cuarto triunfo consecutivo ante o Cazás, e a Milagrosa que venceu con claridade no marcador ao Rioaveso. No cadro alfocense Dani, que marcou o primeiro gol, Sousa, que anotou o segundo e Jonathan foron os máis destacados ante un Cazás no que salientou o traballo de Héctor.

No grupo sur, o Quiroga descansou pero ao mesmo tempo recuperou o primeiro posto xa que o Paradela caeu ante o Castroverde e pasa a ter un gol menos a favor ca o Quiroga no global de goles. Encontro no que cambiaron a orde das voltas e foi disputado no Veiga do Olmo xa que o Gandarón aínda non está dispoñible. David Muñiz marcou os dous goles e xunto con Marcos Gemelo foron os guías da vitoria. Ademais regresou ao equipo Alberto Rois, o gardamallas xogou o seu primeiro encontro do curso e non encaixou ningún gol. Non quere renunciar aos postos de ascenso directo o Antas que está nunha boa xeira e venceu ao Lemos B. Xurxo foi un dos protagonistas cun dobrete, acompañado tamén polo bo traballo de Cristian e de Miguel. Aínda así, o resultado foi máis abultado para o visto sobre o terreo de xogo.

O Sober métese en postos de promoción de ascenso coa súa vitoria ante un Rubián que non foi quen de termar do 0-2 que tiña o seu favor (cun gran gol de Gerardo incluído). No último tramo do choque o cadro soberino recuperou o ritmo competitivo e foi quen de remontar cun gran papel de Jacobo Saa e Carlos Viana que marcou un dobrete. A xornada tamén nos deixou o derbi inédito taboadense que se xogou en Antas (por obras na Medela) e con vitoria contundente do Relámpago fronte ao Taboada B. Yoni sobresaíu con tres goles e dous pases de gol.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.