As nosas guerreiras da fin de semana!

Unha semana máis, Futbolinlugo chega con toda a actualidade das nosas rapazas nos distintos duelos que protagonizaron na fin de semana!Como sempre, Comezamos polo CD Lugo-PM Friol, que perdeu o seu primeiro partido na casa despois dun gran inicio de temporada, nun choque ante o Victoria FC no que nunca se atoparon cómodas, a pesar de teren o dominio do balón non contaron con oportunidades nin profundidade. O encontro estivo condicionado polo tempraneiro gol das visitantes aos 30 segundos de xogo e, aínda que Nati fixo o empate antes do descanso, o Victoria aproveitou os errores locais na segunda metade para levarse os tres puntos en xogo. Destacaron Goretti pola súa seguridade defensiva e a capitá Fanny Varela.

Na Primeira Galicia, a SCD Milagrosa perdeu por 1-3 ante o Alertanavia, destacando como habitualmente a actuación de Esther, quen asinou o gol local, nun partido no que puideron obter máis botín do conseguido. O outro equipo lucense, a SD Antas de Melendo, perdeu o seu duelo ante o Villestro nun choque moi igualado, pero no que a efectividade local na segunda parte determinou o resultado final, 2-0.

Xa na Segunda Galicia, o Carballedo CF perdeu 1-3 o seu partido ante o Portazgo, partido no que as lucenses erraron un penalti (máis ben, acertou a gardamallas rival cun paradón) e, na contra da xogada, o Portazgo anotou o 0-1. Tras empatar cun gol da capitana María Varela e fallar dous man a man coa porteira, as visitantes volveron anotar e puxeron punto e final ao choque con outro gol de contraataque. Destacaron Lucía Míguez e Verónica Carballo.

Pola súa banda, a Comercial venceu no derbi lucense á unha SD Chantada que non soubo reaccionar aos goles das das Gándaras, 3-1, e o CD Lugo-PM Friol «B» empatou coa Unión Campestre, rival directo polo ascenso.

Por último, no que atinxe ao Fútbol-8, a SD Burela venceu 2-1 ao Sporting Cambre, rival que o adestrador mariñano -Jesús Rial, definiu como «un dos máis duros ata agora con xogadoras de nivel que me sorprenderon moito, pese a que unha delas rompeu a punta do peroné no transcurso do xogo». No partido, fóra do meramente futbolístico, destacou a homenaxe recibida por Alexia, unha cativa que padece Síndrome de Fires.

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 523

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.