Os sobranceiros da Terceira na 12ª xornada

A segunda volta da Terceira Rexional comezou con cambio de líder no grupo sur. O Paradela desfixo a igualada na cabeza ao empatar ante o Antas e o Quiroga perder co Rubián. No norte, o Muimenta non perde, pero o Alfoz achégase a súa posición. O Sober e o Taboada B descansaron na pasada fin de semana.

No grupo norte, o Muimenta continúa como líder, aínda que sufriu para sacar algo positivo dun partido con polémica co Matela. O cadro de Outeiro gañaba por 0-3 no minuto 25, pero dous penaltis e o gol final de Jairo Gegunde igualaron o choque para os locais. Maikel con dous goles (é o máximo goleador da categoría na provincia) e Camiño destacaron no Matela. Quen non fallou foi o Alfoz que consolida a segunda praza ao gañar ao Celeiro e sumar a súa quinta vitoria consecutiva. Jose, Manuel e Martín lideraron o triunfo dos locais; mentres que Luis Rego destacou nun Celeiro que deu a cara.

En postos de promoción de ascenso continúan gañando a Milagrosa, o Catro Roldas e o Fonsagrada. O cadro capitalino venceu ao filial do Friol cun bo gol de Juan Gómez. No minuto 75 sentenciou Zas. O equipo de Román sacou unha vitoria a domicilio ante o Cazás cun bo gol de cabeza de García. O Fonsagrada venceu con claridade a domicilio ante o Rioaveso onde destacou Lucas e Óscar Iglesias cun bo gol de falta incluído. O Celta Barreiros non quere afastarse das posicións de promoción e venceu ao Lugo Unión con Hugo e Robert como goleadores e Álvaro levando a batuta do xogo.

No grupo sur, o Paradela reestreou o Gandarón con empate ante o Antas. Aínda así o cadro de Rubén Bergantiños volve ao liderado por mor da derrota do Quiroga ante un Rubián que tivo en Iago un dos seus guías para a vitoria. Terceiro continúa o Castroverde que tampouco pasou do empate nun encontro polémico ante o Relámpago Taboada. Nas posicións de promoción tamén segue o Río Sil, a pesar da súa derrota co Lemos B co que se igualan moito a pelexa por eses postos.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 548

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.