As nosas guerreiras da fin de semana!

A pasada fin de semana retomáronse as competicións en todas as categorías, incluíndo deste xeito as ligas de fútbol feminino, nas que as nosas loitadoras comezaron o 2019 dando a cara en todos os choques. Toda a información da xornada, aquí!

Comezando pola Segunda División, o campo da Reigosa viviu un auténtico partidazo, PM Friol CD Lugo-RC Deportivo, con emoción ata o final dado o acerto de cara ao gol das locais, que souberon sobrepoñerse a un 0-2 en contra e empatar o marcador. Porén, as blanquiazuis tamén souberon afrontar a remontada, e asinaron o 2-3 pouco despois. No choque destacou Laura Gallego, a gardamallas. As lucenses, pese á derrota, continúan na cuarta posición.

Xa na Primeira Galicia, a SD Antas caeu ante o RC Deportivo «B» por 3-0, pese a completar un dos mellores encontros do ano deportivo, mostrándose moi sólidas en defensa, pero pouco acertadas de cara ao gol. O resultado non, pero as sensacións si que foron satisfactorias para as azuis. A SCD Milagrosa, pola súa banda, caeu ante o Villestro na casa por 1-2, nun choque definido polas poucas ocasións para ambos bandos.

Na Segunda Galicia descansou a SD Chantada, pero o resto de equipos representaron á provincia. O PM Friol CD Lugo «B» avasallou ao Imperator (7-0) cun hat-trick de María Valcárcel, e sendos dobletes de Noemi Carro e Paula Rodríguez. No derbi lucense entre Carballedo e SG Comercial, os tres puntos marcharon para Lugo cando xa se cantaba o empate nunha contra ben realizada polas capitalinas, pero destacou a actitude e o esforzo das locais, 0-1.

En canto ao Fútbol-8, a SD Burela venceu 4-0 nun duelo sen incidencias nin complicacións ao Rayo Sadense, e a SCD Milagrosa «B» caeu por 3-0 ante outro filial, o do Sporting Cambre.

 

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 525

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.