Os onces da vixésima primeira xornada na Segunda

Mantéñense os líderes en ámbolos grupos da Segunda Galicia. No norte o Burela refórzase de cara o último tramo do campionato e no sur, entra un novo equipo nas posición de ascenso directo da clasificación, o San Lázaro. 

No grupo norte, o Burela continúa como líder por segunda xornada consecutiva ao vencer ao Abadín e sumar a súa sétima vitoria consecutiva e o seu undécimo partido seguido sen coñecela derrota. Segundo mantense o Guitiriz que volveu ao camiño do triunfo ao vencer con claridade na casa ao Roupar. Seguen preto dos postos de ascenso o Folgueiro que gañou ante a Candelaria, o Cabreiros que logo de dúas derrotas consecutivas venceu ao Matela e o Lourenzá que, ao igual ca o Cabreiros, volveu recuperala senda dos tres puntos despois de dúas xornadas ante o Cospeito. O Matela afrontou o encontro sen porteiro puro, e o capitán Pedro tivo que facer esas funcións tendo unha gran actuación, a pesar de encaixar dous goles. Na loita segue o Pol, aínda que foi o único dos seis primeiros clasificados que non gañou na pasada xornada, empatou sen goles a domicilio ante o Mondoñedo co porteiro Cancio parando penalti nos últimos minutos.

Ningún dos últimos catro clasificados puntou e algún equipo aproveitou para tomar certa vantaxe con eses postos baixos. Un exemplo é o Iberia que venceu por dous goles na casa do Alfoz e saca quince puntos con respecto ao descenso directo. Outro dos que sumou foi o Meira que venceu con claridade na Lomba ante o Ourol, último clasificado.

No grupo sur, o Friol mantén a cabeza da clasificación a pesar do seu empate no campo da SD Becerreá. Un encontro con alternativas no marcador que puido caer a favor de calquera equipo. Segundo colócase o San Lázaro que leva trece partidos sen perder despois de derrotar pola mínima ao Brollón. O porteiro Borja Figueiras deixou a portería do San Lázaro a cero e mantén o equipo como o menos goleado da categoría. Aproveitou tamén o empate do Chantada B na súa visita a outro dos equipos da zona alta, o Oural. Entre medias atópase o Chantada Atlético que venceu con claridade ante o Antas. Mantense na zona nobre o Santa Comba a pesar de sumar o seu terceiro empate seguido, desta volta ante o pechacancelas, o Rubián.

Na zona morna segue sumando o Palas que venceu a domicilio ante o Portomarín. Segue puntuando o filial do Monterroso que igualou ante a Milagrosa no Gorgoso. O xuvenil Raúl Antas xogou este encontro co filial e foi un dos destacados do choque. Na zona baixa, só conseguiu os tres puntos o Castroverde. O equipo adestrado por Diego Gigan venceu pola mínima a domicilio ao Sporting Lucense.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 550

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.