O Lemos é líder en solitario tras gañar no campo do Santaballés

A segunda xornada da Preferente disputada no Xoves Santo déixanos ao Lemos como líder en solitario. O cadro monfortino gañoulle ao Santaballés e é o único conxunto que sumou os seis puntos en xogo. Nos dous encontros restantes, dous empates. O Ribadeo rescatou un punto no desconto diante da Sarriana no Pepe Barrera e Foz e Residencia tamén repartiron os puntos no Martínez Otero.

Un gol de Adri Díaz outórgalle o triunfo e o liderato ao Lemos diante do Santaballés (0-1).

Seis de seis para o conxunto de Edu Rodríguez, que presenta a súa firme candidatura aos dous primeiros postos deste grupo lucense de Preferente. O Lemos tivo a posesión e dominou o encontro, aínda que foi o Santaballés quen puido adiantarse no marcador. Álex Novás primeiro e Castrín despois tiveron boas ocasións para adiantar aos chairegos. Diego Torres e Rubén Díaz tamén puideron anotar para os monfortinos.

Na segunda metade acentuouse o dominio visitante acentuouse, aínda que o gol resistiuse ata que no minuto 79 Adri Díaz batiu a Ivo. O Santaballés tentou a igualada con máis corazón que cabeza e reclamou un penalti no tempo de desconto, aínda que o marcador xa non se movería. Puido facelo, pero o colexiado anulou un tanto ao lemista Diego Torres.

Ribadeo e Sarriana igualaron nun encontro no que o debutante Parapar resultou decisivo (1-1).

Os dous conxuntos ofreceron un bo encontro na reestrea do remozado Pepe Barrera en Preferente. Foi mellor o Ribadeo na primeira metade e del foron as mellores ocasións. Jairo, cun testarazo que lambeu o pao, a piques estivo de abrir o marcador. De novo o burelao e tamén Isma puxeron a proba a un inspirado Parapar. Tan só Óscar Rivas á saída dun córner inquedou a zaga ribadense.

Nos segundos corenta e cinco minutos a Sarriana deu mostra do seu potencial, sobre todo na parcela atacante. Os de Charly xeraron perigo ante a portería ribadense e a falta de media hora para o final, logo dunha contra Gerardo aproveitou un bo pase de Omar para batir a Carrera, que logo resultou providencial diante de Armesto. Non se rendiron os de Rafa Casanova que puideron empatar aos poucos minutos. Primeiro Jairo atopouse co pao e Adrián Barrera e Santi con Parapar. Ata que no minuto 94, Luki recolleu un balón solto e igualou o encontro.

O Foz estrea o casilleiro de puntos cun empate diante da Residencia (1-1).

Encontro entretido para o espectador do Martínez Otero. A Residencia tivo a posesión e dominou o encontro ante un Foz que tentou defender de xeito ordeado e buscar adiantarse no marcador á contra. E preto do descanso os mariñáns lograron o seu propósito. Xenxo desfíxose do seu defensor e resolveu o man a man diante de Diego Bravos.

Non lle durou moito a ledicia aos de Javi Chinchón. Cinco minutos despois da reanudación chegou o empate. Javi Raposo, cun bo testarazo á saída dun córner, igualou o encontro.  Non fixo mella no Foz o tanto e Xenxo, aos poucos minutos, puido facer o segundo, pero desta volta o gardameta lucense gañou a partida. A Residencia xerou perigo sobre todo a balón parado e o Foz buscou rápidas contras, aínda que o cansanzo fixo mella nos mariñáns e o marcador non se moveu.

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.