O Guitiriz tumba ao Meira e continúa a xeira intratable do Ferreira a ritmo de Samba

O dianteiro Samba do Ferreira foi un dos destacados da xornada ao marcar tres goles

A segunda xornada do ano na Segunda reduciu o número de encontros que tiveron que suspenderse por mor da covid. Para moitos equipos foi o primeiro encontro do 2022 e pouco a pouco tentarán poñerse ao día na clasificación. Unha cabeza da táboa que seguen presidindo o Cabreiros, o Meira, a SD Becerreá e o Ferreira, o equipo máis en forma da categoría.

Luca´s Grill
Moreno´s Pizza

Na zona norte, grupo 1A, apértase algo máis a clasificación co segundo empate consecutivo do Cabreiros. Os pupilos preparados por Abel Rochela sacaron un punto nas Valgas ante o Iberia. Cinco puntos separan aos dous equipos na clasificación. O gol average queda en mans do club xermadés.

Entre ambos os dous conxuntos, sitúase 2º (cun partido menos) o Celta Barreiros. O conxunto dirixido por Pelolo estreou o ano ao grande, cun contundente resultado ante a Candelaria cos catro goles marcados no segundo tempo. Non obstante, o conxunto da Rúa, segue tendo opcións de pelexar por entrar entre os catro primeiros. Está a catro puntos do Sanci (4º). Ambos teñen un partido menos e entre eles xogarán na última xornada desta 1ª fase.

Deportes Élide

Precisamente o Sanci non xogou o seu partido correspondente a esta xornada co Roupar. O equipo verde é o máis perxudicado neste inicio de ano no subgrupo, ten dous partidos menos. Pola súa banda, o Xermade desaproveitou unha boa opción de recurtar máis distancia momentánea co cuarto posto. Empatou sen goles ante o Mondoñedo no Municipal. Os locais quedan a sete puntos do 4º posto. O Mondoñedo suma cinco en total.

Na zona norte, grupo 2A, o Meira mantén o seu liderado cunha ampla vantaxe (dez puntos) a pesar de perder o seu primeiro partido do curso. Foi no Suso Cruz ante un Guitiriz á alza que suma tres victorias seguidas. Labrada foi o autor do único gol do encontro e Jesús parou un penalti.

Quen se acerca ao segundo posto é o Goiriz logo de gañarlle ao Cospeito co que iguala a puntos. Nos postos de privilexio mantense o Muimenta. Empatou a un gol nun duelo moi disputado ante o Fonsagrada. O porteiro local Noche culiminou o seu gran partido parando un penalti.

Iso si, Muimenta, Guitiriz e Matela están empatados a 12 puntos. A un do Goiriz e do Cospeito. E o Fonsagrada está con 11. Semella que a loita por entrar no grupo de arriba vai estar moi igualada. O Abadín queda descolgado con tres puntos logo de caer esta xornada pola mínima ante o Matela.

Na zona sur, grupo 2A, o líder Becerreá descansou na finde pero goleou entre semana e mantense no máis alto. Recuperou este mércores un partido aprazado ante o Paradela ao que venceu 5-1.

Segundo, a 7 puntos, colócase agora o Páramo. Gañou o duelo de proximidade ante o Paradela na finde. Proximidade por estrada e na clasificación (están separados por un punto).

Os pupilos preparados por Santi estiveron acertados principalmente no segundo tempo. Corbelle foi un dos sobranceiros no equipo. Marcou o primeiro gol logo do seu regreso ao Páramo e deu unha asistencia. No verán fichou polo Santaballés pero so xogou uns minutos nun amigable. Non obstante, o futbolista todoterreo lesionouse de novo. Unha fisura do esternón podería apartalo momentaneamente dos campos.

O encontro tivo a anécdota deportiva da xornada. Cun xogador do Páramo tendido no céspede, a maioría dos compañeiros pararon. Menos Cumbraos que seguiu co balón e batiu ao porteiro rival. Acto seguido, a resposta do Páramo foi deixar que o Paradela metese un gol para compensar. Esta acción produciuse pouco antes do descanso e o marcador era de 1-0 para o Paradela.

O cuarto posto é para o Sporting Lucense que levou os tres puntos ante o Santa Comba. A tres da zona de arriba queda o Antas que igualou ante a Mila. Non foi un bo partido do cadro da Ulloa que, aínda así, se adiantou no marcador e o conxunto visitante igualou nos intres finais.

O Corgo e o Palas xogaban un partido directo por engancharse aos catro primeiros postos e acabaron empatando. Un punto que os afasta un pouco máis da zona nobre.

Na zona sur, grupo 2B, o Ferreira bailou esta fin de semana a ritmo de Samba. Tres goles do dianteiro servíronlle ao equipo para seguir na boa liña. Cinco vitorias seguidas e cinco puntos de vantaxe sobre o segundo. Aínda así, non todo son boas novas. Este martes déronlle a alta hospitalaria a Juan logo de ser operado da súa lesión de peroné. Dende aquí agardamos que a recuperación sexa a mellor posible.

No segundo posto sitúase o Río Sil ao vencer ao Bóveda. No cadro da Carqueixa protagonismo para dous xogadores que volveron. Juanjo lesionouse na pretemporada e no segundo encontro que puido xogar realizou un gran papel no centro do campo. Ademais reapareceu o defensa Cortiñas. Precisamente non rematara o partido da primeira volta ante o Bóveda por lesión e volveu poer xogar agora ante o mesmo rival.

O encontro entre o filial do Chantada e o Oural foi aprazado. Situación que lle permite ao Brollón colocarse provisionalmente na cuarta posición. A súa vitoria ante o Quiroga reduce as opcións do conxunto verde de achegarse a zona top da clasificación.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 557

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.