Armesto, dobrete para manter ao Rubián na cabeza co Lemos B

Armesto foi un dos protagonistas da xornada contribuíndo co seu dobrete a que o Rubián se manteña na cabeza

A Terceira Rexional puido vivir a novena xornada de liga ao completo. Con sorpresa no norte ao caer o Catro Roldas na Reigosa, aínda que se mantén líder. No sur, continúa a pugna na cabeza entre o Lemos B e o Rubián.

Luca´s Grill
Moreno´s Pizza

Na zona norte, o Catro Roldas segue liderando o grupo, aínda que volve ver os seus rivais máis perto. Encaixou a segunda derrota do curso na súa visita ao Friol B. O bo gol de falta directa de Esteban Carracedo non se traduciu en puntos para os seus.

A un punto do conxunto amarelo está agora a Comercial. Os pupilos preparados por Andrés Rodríguez volveron levar o dominio do xogo ante o Cazás e acabaron impoñéndose. Pacín con dobrete e Martín co seu oficio foron os que sobresaíron nun bo traballo coral. O cadro xermadino tivo que lembrarlle a Iago os seus tempo de porteiro no Momán para que se puxera baixo paus na capital. A mala sorte fixo que fisurase un dedo e no segundo tempo vestiu as luvas o habitual ausente Corral.

O Catro Roldas con 19 puntos, a Comercial con 18, o Rioaveso con 17 e o Castro B con 16 (e un partido menos). O Machinango venceu ao Celeiro en terras viveirenses. Pola súa banda o filial vermello venceu ao Nausti con protagonismo claro para Álex Gascón ‘Torito’. O dianteiro de Outeiro asinou tres goles.

Na zona sur, o Lemos B e o Rubián mantéñense no máis alto da táboa clasificatoria a espera de xogar o partido que teñen entre eles pendente. O filial lemista impúxose con claridade ante o Castroverde. O Rubián fixo o propio ante un combativo Relámpago. Armesto foi un dos sobranceiros cun dobrete. O centrocampista de Laiosa cumpre a súa vixésima temporada no equipo de Bóveda.

Na terceira posición, a dous puntos dos primeiros e cun partido máis, está o Sober. Empatou no seu duelo directo co Carballedo ao que avantaxa en tres puntos na clasificación. Aperta as posicións de arriba o filial do Monterroso (4º). Venceu no duelo de filiais ao Taboada B. Pita tivo que poñerse baixo paus no filial branquiazul ante a falta de porteiro.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 528

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.