portada maxicos

Máxicos Luca’s Grill. Segunda fase, xornada 5

Os Máxicos seguen a dar guerra nunha Primeira Galicia que se achega á súa fine na que os clubes están moi preto de achar os seus obxectivos.

Luca´s Grill
Moreno´s Pizza

GRUPO ASCENSO:

Deportes Élide

Burela 0-2 Portomarín: acusou as baixas o Burela ante un Portomarín que se mete de cheo na loita polo ascenso. Houbo unha ocasión para cada un no primeiro tempo, pero tras o paso por vestiarios os miñotos saíron moi enchufados e Fernandito fixo dous tantos en apenas quince minutos que serviron aos visitantes para levar os tres puntos da Marosa.

Riotorto 3-2 Taboada: vibrante choque na Veiga no que o Riotorto se enganchou á pelexa polo ascenso. Os locais foron mellores no primeiro tempo, e aproveitaron as súas ocasións para chegar 2-0 ao descanso. Unha gran reacción visitante permitiu ao Taboada poñerse 2-1 e estar preto do empate, pero Adrián puxo o 3-1 no 70′. Pouco despois os visitantes recurtaron diferenzas de novo, 3-2, e tiveron opcións de empatar, pero finalmente os tres puntos quedaron en Riotorto.

Pol 4-0 SD Chantada: perdoou a SD Chantada no primeiro tempo, pois gozou de varias ocasións que puideron poñer o partido patas arriba, pero chegouse ao descanso co 0-0. Na última media hora de xogo, o Pol demostrou por qué é o actual favorito ao ascenso, pois conseguiu catro tantos (Iván González, Leandro, Herrero e Yago) que deixaron o choque visto para sentenza.

Castro 2-3 Chantada Atlético: o Castro desperdiciou unha oportunidade de ouro para seguir o paso do Pol, pois os do Arturo Pereiro chegaron 2-0 ao descanso, tendo o control do xogo. Porén, dous minutos dourados o Chantada Atlético (do 55′ ao 57′) puxeron o empate no electrónico e, na recta final, os chantadinos completaron unha remontada heroica tras un tanto de Brais.

GRUPO DESCENSO 1

Pastoricense 0-0 San Lázaro: na primeira parte mandaron os visitantes que, aínda que non xeraron ocasións, tiveron o control do choque. No segundo tempo a tónica cambiou: o Pastoricense deu un paso adiante e puido anotar en dúas ocasións a balón parado e nunha acción a porta baleira. Tamén tiveron opcións na recta final os da Ponte, que non foron efectivos ao contragolpe.

San Roque 0-0 Sporting Pontenova: igualdade na Polvoreira entre dous equipos moi serios. Foi mellor o Sporting na primeira metade, pero segundo pasaban os minutos os locais gañaban terreo e conseguiron dominar o segundo tempo, aínda que ningún conxunto logrou transformar e o barrio de Montirón viviu un novo 0-0.

Monterroso 3-1 Folgueiro: paso adiante do Monterroso de cara a salvación grazas, en parte, á boa actuación de Raúl Antas, que no minuto 30′ xa anotara dous goles. Na recta final, os de Cerdeiriños fixeron o 3-0 e o Folgueiro recurtou diferenzas no engadido por medio dun penalti.

GRUPO DESCENSO 2

Alfoz 0-0 Xove Lago: primeira parte descafeinada na que, porén, Trullo foi quen de salvar ao seu equipo cun auténtico paradón. No segundo tempo o Alfoz deu un pase adiante e tivo opcións de anotar, pero o Xove saía moi ben ao contragolpe e metía o medo no corpo dos asistentes ao Municipal. Finalmente, ningún conxunto foi quen de facer un gol para sacar máis de un punto.

Outeiro de Rei 3-1 Friol: partido feo no Municipal, no que o Outeiro soubo aproveitar as súas opcións e no minuto 30′ xa mandaba por 2-0. Porén, o Friol non lle perdeu a cara ao partido e, na primeira xogada do segundo tempo, recurtou diferenzas, 2-1. A igualdade foi entón protagonista ata o minuto 80′, cando Pereira sentenciou o choque cun auténtico golazo desde fóra da área, 3-1.

Guntín 1-1 Lourenzá: partido moi igualado e intenso no Ladairo. Foi mellor o Guntín no primeiro tempo, conseguindo facer moito dano por medio de contragolpes e anotando nun deles. Na segunda metade melloraron os visitantes, que fixeron o empate logo dun penalti por mans. O Guntin volcouse na procura da victoria e o Lourenzá ameazaba con contras, pero o electrónico non se moveu.

Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 524

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.