Adeus ao soño do ascenso para os equipos lucenses

Só o Lugo salva unha xornada para olvidar

Os tres representantes lucenses na fase de ascenso a Primeira Galicia foron eliminados ás primeiras de cambio. Un duro domingo para o noso fútbol e no que Milagrosa, Chantada e Monte Forte; puxeron fin ao soño dun posible ascenso.

Luca´s Grill
Moreno´s Pizza

O golpe máis duro chegou en San Sadurniño. A Milagrosa encaixou unha durísima goleada ante un Amistade Meirás que non deu opción. Se ben é certo, que catro deses goles chegaron nos últimos cinco minutos de encontro.

Iria, autora do único gol do Chantada na fase de ascenso
Deportes Élide

Pola súa parte, o Monte Forte deixouse ir na última media hora nun partido cun inicio frenético. No minuto 4 adiantouse o Bueu pero, dous minutos máis tarde, as de Horta igualaban desde o punto de penalti. As pontevedresas puxeron terra de por medio con dous novos tantos antes do minuto 20. Na reanudación, as monfortinas recurtaron diferenzas. Aínda así, o Bueu respostou cun novo gol case instantáneo ao visitante; e afundiu ás lucenses.

O que máis preto estivo de sacar algo positivo foi o Chantada. Os nervos apoderáronse das rapazas de Álex Cambeiro na primeira media hora. E as chantadinas cometeron erros impropios dunha fase de ascenso. Aínda así, no rexeitamento dunha falta; Iria igualou o tanto inicial do Umia B.

Este tanto igualou o encontro. Tania perdonou en dúas ocasións, un longueiro e un gol anulado nun fóra de xogo dubidoso. No entanto, nos mellores minutos vermellos, chegou o 1-2 visitante. O Chantada non se veu abaixo pero foi o Umia B o que matou o partido, co terceiro e definitivo gol.

Resultados da xornada

Lugo 4-2 Sárdoma B

PM Friol B 1-1 Tordoia

Victoria FC B 2-0 Antas

Bueu 7-2 Monte Forte

Chantada 1-3 Umia B

Amistade Meirás 8-0 Milagrosa

O Lugo, única vitoria da xornada

Esther, bigoleadora ao igual que a súa compañeira Paula Rodríguez

Triunfo do Lugo na fase de ascenso da Primeira Galicia ante un Sárdoma que se adiantou no marcador. Custoulle ás de Joaquín Blanco ao inicio. Judith e Lucía sostiveron ao cadro albivermello nos peores momentos. Co paso dos minutos, as lucenses tiraron de verticalidade para repoñerse. Esther e Paula Rodríguez remontaron antes do descanso. A propia Paula fixo o 3-1 ao cuarto de hora da segunda metade. Fútbol combinativo e contragolpe para sentenciar a un rival que aínda asinou un gol máis.

Na fase de permanencia, o PM Friol B sumou outro punto máis ao seu casilleiro. O Tordoia abriu a lata nun encontro equilibrado e no que o balón foi case sempre das de Diego Vivero. Iso si, o filial da Reigosa tivo problemas para atacar a pechada defensa visitante. Pasada a hora de xogo, Vero Loureiro rompeu o muro do Tordoia para arañar un empate na casa.

Por último, o Antas realizou un partido moi serio con Noe Pires como cabeza visible despois da dimisión de Melendo a pasada semana. As do Castro Seoane competiron de ti a ti ante o Victoria FC B, un complicado rival. A sentenza local chegou no minuto 90 e o esforzo físico das lucenses foi moi destacable.

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.