María Valcárcel cumpriu o seu desexo co Lugo

Xornada redonda para o Lugo de María Valcárcel. E poderío visitante na Segunda

A única vitoria lucense na Primeira Galega tivo moitos máis triunfos internos. O Lugo impúxose por 5-0 ao Tordoia nun deses partidos dos que só se poden sacar cousas boas. Dominio en xogo e ocasións, hat trick de Paula Rodríguez, dobrete de Lucía Armesto… E, por enriba de todos os motivos, dous debuts: os de Andrea Orol e o agardadísimo de María Valcárcel, despois de moitos meses loitando pola súa carta de liberdade.

Luca´s Grill
Moreno´s Pizza

No entanto, nesta categoría o resto foron derrotas. Ambas polo mesmo resultado: 1-2. O Antas cedeu na casa ante o Bergantiños nun encontro no que mereceu mellor sorte. A pelota non quixo entrar. O mesmo lle pasou ao PM Friol B na Reigosa. Falta de acerto ante o Victoria B. E erros defensivos que sairon demasiado caros.

Eva, trigoleadora do Chantada
Deportes Élide

Pola súa banda, o primeiro equipo do PM Friol regresou á senda do triunfo. Foi a domicilio e ante o Umia. Nerea Lombardero abriu a lata e a xaponesa Yuki completou a goleada co seu dobrete. As de Covi foron de menos a máis e remontaron ante un rival que se adiantou por dúas veces no marcador. Os últimos quince minutos resultaron decisivos, xa que as luguesas chegaron ao derradeiro cuarto de hora cun 2-2 no electrónico.

RESULTADOS DA XORNADA

Umia 2-4 PM Friol A

PM Friol B 1-2 Victoria B

Antas 1-2 Bergantiños

Carballedo 2-3 Milagrosa

San Roque 1-9 Chantada

Santiso 2-2 Monte Forte

Bandeira 0-5 Comercial

Poderío visitante nunha boa xornada na Segunda

A Milagrosa levouse un derbi con maiúsculas do Catro Ventos. O dobrete de Ana Lamas serviu de pouco, ao igual que o gran partido feito polo seu Carballedo. As capitalinas sobreviviron a máis dunha hora de xogo en inferioridade. En parte, grazas a Leire. A pichichi fixo dúas xogadas individuais espectaculares na segunda metade para decantar un duelo espectacular.

O outro derbi da xornada tivo menos emoción e claro color chantadino. Tania Gómez e Eva asinaron sendos hat tricks na goleada ante un San Roque que segue mellorando a bo ritmo. Falando de vitorias abultadas, a Comercial olvidouse do feito de contar con varias xogadoras tocadas e venceu a domicilio e con claridade cun póker de Jenny.

Tania Gómez, autora dun hat trick para o Chantada

Por último, o Monte Forte sacou un valiosísimo punto do feudo do líder. E sen porteira, xa que Cheni e Moji tiveron que facer de gardamallas improvisadas. O partido comezou moi de cara, cun 0-2 en dúas contras que certificaban a superioridade monfortina. O Santiso recurtou diferenzas xusto antes do descanso e empatou nunha polémica xogada ao inicio da reanudación. A segunda metade resultou bastante igualada.

Foto principal: La Voz de Galicia

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.